Рус телендә гомуми белем бирү мәктәпләренең 6 нчы сыйныф татар төркемнәрендә укучылар өчен арадаш аттестация эше биремнәре
тест (6 класс) на тему

Рус телендә гомуми белем бирү мәктәпләренең 6 нчы сыйныф татар      төркемнәрендә укучылар өчен арадаш аттестация эше биремнәре   (БРТ форматы)

     1) Борын заманда табигать патшасы  чәчәкләр арасында хәбәр тараткан:

 2) – Озакламый яз җитә. 3) Сезнең арагыздагы иң матур чәчәккә Җир өстендә тантана итү, кешеләрне беренче булып куандыру мөмкинлеге бирәчәкмен, – дигән.
  4) Чәчәкләр арасында бәхәс купкан. 5) Һәркайсы иң беренче булырга теләгән.
6) – Мин барыгыздан да матуррак. 7) Мин язның беренче чәчәге булырга тиеш! – дигән ромашка. – 8) Минеке кебек ак таҗлар кайсыгызда бар соң?
   9) Кыңгырау чәчәк аның белән килешмәгән:
10) – Мин бер чыңласам, бөтен дөнья ямьгә күмелә. 11) Беренчелек миңа булырга тиеш! – дигән.
    12) Бәхәскә башкалар да кушылган. 13) Бер-берсен тыңлап та тормыйча, үзләрен мактаганнар. 14) Умырзая гына бер читтә басып торган, бәхәсләргә кушылмаган.
15) – Әйе, сез барыгыз да матурлар, кирәклеләр икәнсез. 16) Ләкин тыйнаклык – ул үзе иң зур матурлык. 17) Арагыздагы тыйнак умырзаяны мин язның беренче чәчәге итеп билгелим, – дигән табигать патшасы.
    18) Менә шул көннән бирле, җир өстендә карлар эреп беткәнче үк умырзая шытып чыга. 19) Үзенең тыйнаклыгы һәм матурлыгы белән кешеләрне куандыра.

Биремнәр.

1. 5 нче җөмләдәге санның төркемчәсен языгыз.
2. 15-17 җөмләләрдән ясалма исемнәрне язып алыгыз.
3. Чагыштыру дәрәҗәсендәге сыйфат булган җөмләнең санын билгеләгез.
4. 10 нчы җөмләдә калын хәрефләр белән бирелгән фигыльнең төркемчәсен языгыз.
5. Билгеләү алмашлыклары булган җөмләләрнең номерларын арту тәртибендә языгыз.
6. 12 нче җөмләдән хикәя фигыльне табыгыз һәм  заманын, затын, санын күрсәтегез.
7. 6-9 нчы җөмләләрдән тезмә исемне язып алыгыз.
8. 17 нче җөмләдәге билгеләнгән сүз кайсы җөмлә кисәге булып килгән?
9. 1-3 нче җөмләләрдән вакыт рәвешен табыгыз.
10. 15-17 нче җөмләләрдән исемләшкән сыйфатларны язып алыгыз.
11. “Тыйнаклык – ул үзе иң зур матурлык” җөмләсенә таянып, кечкенә күләмле (10  җөмлә ) сочинение языгыз.

Җаваплар:

Эшне бәяләү:

1-10 нчы биремнәр 1әр балл белән бәяләнә,

11 нче биремнең һәр дөрес җөмләсе 1 балл белән бәяләнә.

Максималь балл – 20 балл.

“5” ле – 20-18 балл,

“4” ле – 17-14 балл,

“3” ле –  13-10  балл,

“2” ле – 9-0 балл.