Родной язык
методическая разработка (1 класс) по теме

БИДЭ  ҺУРАГШАД  БОЛООБДИ!

ВЕДУЩИЙ: Хүндэтэ hурагшад, хүндэтэ айлшанар! Мүнөөдэр бидэ сугларжа, нэгэдэхи классай hурагшадта зорюулhан hайндэрөө үнгэргэхэмнай.

Анха түрүүн hургуулиин богоhо

Алхажа ороhон сагаа hаная.

Ученик:  Үүлэгүйхэн, сарюухан

                  Үхибүүн эртэ наhандаа

                  Һургуулиин богоhо алхажа,

                  Һурагшад болохо ёhо бии.

Ученик:     Агаар тэнгэриин

                    Арюун сэлмэгтэ наададаг

Аятайхан сага таhалан,

Ажалтай болодог хаhа бии.

Ученик:      Эгээл жаргалтай

Энээхэн үе сагань

Эдээхэн хүүгэдтэ хэзээш

Эрьелдэжэ дахин ерэхэгүй.

Зүгөөр эдээхэнүүднай

Зүггүй жаргалтай ябанал.

Ученик:     Хуймаатайхан сагта

Хубсаhанайнгаа эрхимые үмдэжэ,

Эрдэмэй харгыда гараhан

Эдээхэн хүүгэднай

Зүггүй урагшаа яаранал.

ВЕДУЩИЙ:       Хайшаа яарана гээшэб?

Таанад ойлгоо ёhотойт.

Эгээ түрүүшынхеэ

Эхин класста орохоёо

Эрхим hурагшад болохоёо

Энээхэн үхибүүд ехээр яаража ябаал.

Первоклассник:   Эгээ түрүүн hургуулида

Эртэ намар орообди.

Энэ гэжэ «А» үзэг

Эндэ мэдэдэг болообди.

ВЕДУЩИЙ:   Гурбан hара энээхэн hургуули соо эрдэм ном шудалжа байхадаа ёhотойл hурагшад болоо гэжэ ойлгохо байхат!

 Первоклассники:   1. Зургаатайхануудшье хадаа

                                    2. Һуралсалай сэгнэлтэнүүдээр

 тэмдэглэлүүлээшьегүй хадаа

                                    3. Гарта дневник баряашьегүй хадаа

(хором): Бидэ hурагшадбди.

ВЕДУЩИЙ: Нэгэдэхеэр:

Первоклассники:   1. Энэ түрэл hургуулидаа

                                       Үхибүүд бидэ дуратайбди.  

 ВЕДУЩИЙ:  Хоёрдохёор:

2.  Энээхэн класс соогоо

Элдэб үгэнүүдые уншанабди.

ВЕДУЩИЙ:  Гурбадахяар:

3.   Би өөрөө нүхэртөө

Бэшэг бэшэжэ шадахаб.

ВЕДУЩИЙ:  Дүрбэдэхеэр:

4. Гарайнгаа хургануудые тоолонгүй

                                             Гансата нэмэжэ, хороожо шадахаб.

ВЕДУЩИЙ: Зай, үхибүүд! Мүнөө суглараад байhан айлшадтаа бэрхэ hурагшад болоо гээшэбди гэжэ харуулхат. Энэ hурагшын сүүмхэ соо гайхалтай юумэнүүд бии. Бэшэгдэhэн  үгэнүүдшье, зурагуудшье жэшээнүүдшье бии. Мүн баhа таабаринуудшье, дуунуудшье, хүхюу наадануудшье бии. Сүүмхэ соо байhан даабаринуудые дүүргэжэ шадаа hаа, сэгнэлтын тэмдэгүүдые абахат. Зай, би  үреэхэ байнаб:

Олон тэмдэгүүдые абажа,

Бэрхэ hурагша болоорой. 

ВЕДУЩИЙ:  Зай, үхибүүд! Хэлэжэ үгыт. Юунэй түлөө таанар hургуулида ябана гээшэбта?

Первоклассники: (хором)   Уншажа hурахын түлөө

Бэшэжэ hурахын түлөө

Тооложо hурахын түлөө.

(Нэгэдэхи классай hурагша Сарюна газаашаа гараад, ябахаа hанана)

ВЕДУЩИЙ:  Сарюна, хайшаа ошохошнибши?

Сарюна:  Би гэртээ ябахамни.

ВЕДУЩИЙ:  Юундэ гэртээ ябахашнибши?

Сарюна:  Намда hургуули хэрэггүй. Би өөрөө уншажашье, бэшэжэшье, тооложошье шадахаб.

ВЕДУЩИЙ:  Сарюна, байгыш. Ши бэрхэ басаган байнаш. Харин Энээнhээ ондоо юумэ мэдэхэ гүш? Жэшээнь: 125-е 25-да хубаажа шадаха гүш?

Сарюна:  Үгы, шадахагүйб.

 ВЕДУЩИЙ: Англии хэлэн дээрэ «Сайн байна» гэжэ хэлэжэ шадаха гүш?

Сарюна:  Үгы, шадахагүйб. Эдээниие баhа hургуулида заадаг гү?

ВЕДУЩИЙ:  Тиимэ, бүхы юумэ мэдэжэ абахаш.

Сарюна:  Тиигээ hаа, би hургуулидаа үлэхэмни, hууридаа ошожо hуухамни, болохо гү?

ВЕДУЩИЙ:  Болохо, ошоод hуу.

(Хонхын абяан дуулдана.)

ВЕДУЩИЙ:  Энэ хүхюун хонхын абяагаар хэшээлдээ суглардаг байгаат. Харин мүнөө булта ой ошожо, сэнгэжэ ерэхэбди.

− Хэн ой ошожо үзөөб, гараа үргэгты.

− Ой соо юу хараабта, хөөрэжэ үгэгты.

(Раздаётся стук в дверь. Входит лиса.)

Үнэгэхэн: Сайн байна, үхибүүд! Намайе уроктоо оруулыт, таанадтай хамта эрдэмэй харгыгаар ябаха хүсэлэнтэйб.

(Раздаётся стук в дверь. Входит зайчик.)

Шандагахан: На-на намайе ба-ба-баhа 1-хи класста абыт, ша-ша-шадал соогоо hай-hайнаар hу-hу-hурахаа о-о-оролдохоб.

(Раздаётся стук в дверь. Входит медвежонок.)

Баабгайхан:  Сайн байна, Галя! Сайн байна, Саша! Сайн байна, ..

ВЕДУЩИЙ:  Баабгайхан, наашаа ерэл даа, яана гээшэбши? Хожомдожо ерээд, иигэжэ мэндэшэлсэдэг юм аал? Огто болохогүй! Муу ябадал гээшэ. Үхибүүд, баабгайханда хэлэжэ үгыт.

Первоклассник: Хэрбээ хожомдожо ерээ хадаа, хүн бүхэнтэй мэндэшэлсэхэгүй, бүгэдэ хүнүүдтэй мэндэшэлсэхэ хэрэгтэй.

ВЕДУЩИЙ:  Баабгайхан, ойлгоо бэзэш? Газаашаа гараад, зүбөөр мэндэеэ хэлэл даа.

(Медвежонок выходит, и снова заходит)

Баабгайхан:  Сайн байна,үхибүүд! Намайе класстаа оруулыт.

ВЕДУЩИЙ:  Зай, үхибүүд, эдэ ангуудые хэшээлдээ байлгахамнай гү? Байза, нэн түрүүн шалгажа үзэе, хэр юумэ мэдэхэ ангууд бэ?

Первоклассники:  Шалгая, шалгая.

ВЕДУЩИЙ:  Баабгайхан, хэлэл даа: хоёр дээрэ гурбые нэмэхэдэ хэды болохоб?

Баабгайхан:   Хоёр дээрэ гурбые нэмэхэдэ зургаан болохо.

ВЕДУЩИЙ:  Шандагахан, энэ үгэ (hургуули) уншаад үгэл даа.

Шандагахан: Аа, эндэ эгээл мини мэ-мэ-мэдэхэ, эгээл  а-а-амтатайхан ү-ү-үгэ байгаа ёhотой. М-м-морхооб.

ВЕДУЩИЙ:   Зай, үнэгэхэн, таабари мэдэхэ гүш?

Шамhаа бага аад,

Шандаган малгайтайб.

Үнэгэхэн: Һархяаг.

 ВЕДУЩИЙ: Ангууднай олон юумэ мэдэхэгүй байна. Эдэниие hургуулидаа абая. Үнэгэн шандаган хоёр урда hуугты, Харин баабгайхан үхибүүдэй хоорондо орожо hуу.

(Медвежонок неправильно пытается пройти между рядами.)

ВЕДУЩИЙ:  Баабгайхан, хүлеэл даа. Иигэжэ орожо hуудаггүй. Үхибүүд, хэлэжэ үгыт баабгайханда, хайшан гэжэ орожо hууха байгааб?

Первоклассники:  Нюргаараа бэшэ,

                                  Нюураараа хараад,

                                  Орожо hууха хэрэгтэй.

ВЕДУЩИЙ:  Зай, булта ангуудтаяа хамта ой ошоё.

1. Ябанабди, ябанабди, ойдо хүрэжэ ерэбэбди. Ой соо олон модод байна, Харин набшаhата мододынь набшаhаа гүбеэд, хооhон нюсэгэн болошоhон байна. Эдэ модохонуудта Үбгэн Жабар оройдонь нааданхайнуудые зүүжэ үгөө. Зай, үхибүүд, бидэнэр эдэ модохонуудые hайхан болгожо, шэмэглэе. Энэ модондо ямар нааданхайнууд таарахаб?

(Работа над составом чисел в пределах изученных чисел.)

2. Саашаа ябая. Харыт, эндэ үенүүд төөришөөд байнал.Туhалая, үхибүүд, үенүүдтэ!   (Задание: составить слово из данных слог.)

3. Зай мүнөө амаржа наадая.  (По усмотрению учителя организовывается любая произвольная игра.)

4. Саашаа ябая. Харгы дээрэмнай шоно ушарба. Хэрбээ эдэ үгэнүүдые уншаад, таабари хэлэжэ шадаагүй hаамнай, маниие саашань табихагүй байна. Үхибүүд, уншажа, таабарииень хэлэжэ үгэе.

(Дети читают и загадывают загадки о прочитанном слове: нохой, хайша, урал, утаан, үндэгэн, үнэгэн.)

5. Саашаа ябажа, баабгайтай уулзабабди. Энэ зураг дээрэ хорголhон тоонуудые олохо гэнэ. (На бумаге нарисована голова человека из цифр.)

6. Ябанабди, ябанабди, хэрмэтэй ушарбабди.Хэрмэн борбоосгойнуудые суглуулжа байна. Үхибүүд, хэрмэндэ туhалая!

(Проводится игра «Сбор шишек». Кто больше шишек соберёт.)

7.  Мүнөө гэртээ бусаха сагнай дүтэлжэ ерэбэ. Мэдэхэ дуугаа дуулаад бусая!

(Дети поют знакомые песни)

8.  Зай бидэ гэртээ хүрэжэ ерэбэбди. Ой ошожо, юу хараhанаа ба хэhэнээ хэлэжэ үгэгты. (Подводится итог экскурсии, итог урока.)

ВЕДУЩИЙ:  Мүнөө үхибүүдые ярмаркада уринабди.

(Дети на вырученные деньги покупают себе подарки – поделки, сделанные руками старшеклассников на уроках труда)

Праздник заканчивается чаепитием.