Әти-әниләргә мөрәҗәгать
материал (5, 6, 7, 8, 9, 10, 11 класс) на тему

Мөрәҗәгать хаты

Хөрмәтле әти-әниләр!

      Баланың иминлеге, сәламәтлеге һәм тәртибе мәктәп өчен дә, сезнең үзегез өчен дә һәрвакыт иң мөһим әйбер булып тора. Шуңа күрә уку барышында түбәндәге таләпләрнең үтәлүен үз контролегез астына алуыгызны сорыйбыз:

• мәктәп режимы буенча иртән килүне тәэмин итәргә;
• мәктәпкә һәр көнне укучы формасы белән килүне булдырырга (джинсыдан түгел, бер тондагы  күлмәк һәм классик стильдәге чалбар);
• укучының көндәлеген даими рәвештә күзәтеп, кул куеп барырга;
• укучының сәбәпсез дәрес калдыруларын булдырмаска;
• укучының авыруы яки була алмавы турында үз вакытында хәбәр итәргә;
• сорап китәргә кирәк булганда гариза, авыру булганда авырганлык турында белешмәне (справканы) үз вакытында алып килүне оештырырга;
• мәктәп оештырган чараларга катнашуны тәэмин итәргә;
• мәктәп оештырган мәҗбүри түләүле чаралардан читтә калмаска;
• язгы һәм көзге чорда алмаш аяк киеме белән йөрүне булдырырга;
• гомуми һәм класс җыелышларына даими рәвештә килергә тырышырга;
• укучыларның өс киемнәрен чиста, өс башларын укучыга тиеш булганча тотуны булдырырга (чәчне буямыйча, бизәнмичә);
• укучының китап-дәфтәрләрен дәрескә алып килүне күзәтү астына алырга;
• өй эшләрен башкарганда  балага мөмкин кадәр булышлык күрсәтергә;
• мәктәп сумкасы белән йөрүне тәэмин итәргә (пакет белән түгел)
• кыйммәтле әйберләр тагып мәктәпкә йөрүне булдырмаска (сакланышы өчен мәктәп җавап тотмый);
• кесә телефоннарын мәктәпкә алып килүне тыярга (югалган очракта үз җаваплылыгызда)

       Мәктәптән тыш һәм каникул вакытында түбәндә саналганнарның үтәлүен тәэмин итүегезне сорыйбыз:

• кич соңга калып йөрүләрне булдырмаска;
• билгесез һәм шикле кешеләр белән һәртөрле элемтәләрдән тыярга;
• ут, су, электр приборлары белән сакчыл эш итеп тору турында һәрдаим кисәтеп торырга;
• акчаларын нәрсәгә сарыф итүләре турында һәрвакыт белешеп торырга;
• көнен ничек һәм кемнәр белән уздырганлыгы турында сорашырга;
• өй эшләренә күбрәк тартырга;
• практика эшен билгеләнгән вакытта үтәүне тәэмин итәргә;
• начар гадәтләрне булдырмау турында гел искәртеп торырга;

     Югарыда язылганнар белән килешәм һәм үз контролем астына алам: