Россиин габъяата уран дархаша Чимитов Батамунхэ Балтуевичые, номойнь хэблэгдэhэндэнь дашарамдуулhан турэлхидэйнь талаhаа амаршалга.
материал

Россиин габъяата  уран дархаша Чимитов Батамунхэ Балтуевичые, номойнь хэблэгдэhэндэнь дашарамдуулhан турэлхидэйнь талаhаа амаршалга.

Тоогүй олон дархан хүбүүдээр,

Тохой нютаг суурхадаг ха юм.

Тэдэнэй дунда манай аха

Түмэршэ дархан Батамүнхэ.

Алиш талаhаань адли тэгшэ,

Аяг зангаарш аятай гэлсэгшэ.

Ажал хүдэлмэридөө урагшаа эрмэлзэн,

Алдарш солотой болоо гэлсэгшэ.

Алтан гартай, ажалша бэрхэ

Аха дүүнэрээ омогорхуулан ябадаг,

Арад зондоо, үетэн нүхэдтөө

Аргагүй хүндэтэй манай аха.

Абарга томо бэшэш hаа,

Адхалан барижа абаал hаа,

Арсалан хүсэтэй бүхые

Арбагануулан дараха хүсэтэйл хаш.

Дархан ахым заяан соо,

Дулма эжынь  буян  байхал.

Дүй  дүршэл, алдар солодонь,

Тохой нютагайнь хуби байхал.

Хүн ахатай, дэгэл захатай гэжэ,

Буряад арадай үгэ байнал,

Хүндэтэ ахадаа,  хүндэлжэ байхадаа

Халуухан үгэнүүдые хэлэхэл байнаб.

Мүнхэ бэшэ бэетнай

Бата бэхи байhай даа!

Хэжэ ябаhан ажалтнай

Хэмжээгүй мүнхэ байhай даа!

Бата Мүнхэ ахамнай!