кийкъ айванлары
план-конспект урока (2 класс)

Къырымтатар тили 2-б сыныф

28.11.2018

Мевзу: Кийик айванлар . Нутукъ инкишафы дерси.

Макъъсат: Балалар кийик айванларнынъ адларыны бильмек кереклер.

Сыфатларнынъ устюнлик дереджесини къулланмакъ; муреккеп кечкен заман фиилининъ васталы шеклини нутукъларында къулланмагъа бильмек кереклер.

Дерснинъ лексик мевзусы боюнджа лакъырды этмек,икяе тизмек. Айванат алимене севги ашламакъ.

Бекленильген нетиджелер:

Фенлер боюнджа нетиджелер: джумлелер тизе; ресим боюнджа икяе эте,тасвирлей,суаллерге джевап бере.

Метафенлер боюнджа нетиджелер: талебелер ресим боюнджа икяе тизе;аталар сёзлернинъ манасыны анълата,озь ишини баалай.

Шасий нетиджелер: талебелер айванларыны корчаламакъ, бакъмакъ кереклиги акъкъында икяе эте,шасий аятындан мисаллер кеттире.

Предмет аляметини юксек дереджесини бильдирмек; чокътан олып кечкен иш- арекет акъкъында айтмакъ.

Дерснинъ чешити:янъы мевзуны огренюв дерси.

Донатмалар: ресимлер ,  карточкалар, презентация.

Дерснинъ кетишаты:

1. Тешкиль  дакъкъа.

Селямлашув.

Субет. Бугунь къачынджы санъ?  Афтаны къайсы куню? Шимди насыл йыл мевсими? Табиатта насыл денишмелер ола?

2. Бильгилерини тешкерюв:

-Кечкен дерсте «Фиданлар» шиирини огрендик. Оны ким язды? (Сейран Усеинов).

-Шиир кимлер аъкъында? (Къырымтатар балалар акъкъында).

-Балаларны не бирлештире? (Достлукъ).

3.  Дерс макъсадларыны къоюв.

Оджа талебелерде меракъ мотивация догъурмакъ макъсадынен айта: «Балалар, айванат багъчасында кийик айванлар яшай олар пек ач олдылар. Амма ашатмакъ ичюн башта кийик айванларнынъ адларыны огренмек керексинъиз»

4. Дерс  мевзусы  узеринде иш.

Ресимлеыр ярдымынен янъы сёзлер керек тертипте огрениле. Балаларгъа сыфатларнынъ устюнлик  дереджесини къулланмагъа огретиле. Кийик айванлардан къайсы балабан? Энъ айнеджи сою къайсы? Кийик айванлар къайда яшайлар?(Дагъда,чёльде) Айванлар акъкъында насыл шиирлер билесинъиз?  

Балалар «Айванат багъчасында»  мевзусында икяе тизелер.  Икяесинде муреккеп кечкен заман фииллери олмалы: баргъан экен, бар экен.

5. Раатлыкъ дакъкъасы.

         Айванат  багъчасына,

       Балаларнен биз бардыкъ.

       Къафеслер ортасында ,

       Чешит айванлар корьдик.

        Маймун корьдик, секирдик.

        Аюв киби айландыкъ.

        Деве къушуна ошап,

        Элимизни салладыкъ.

6. Дерс  мевзусы узеринде ишни девам этюв.

Оджа ресимлерни бакъмагъа теклиф эте.

Бир талебе  айванларнынъ  адларыны айтып кече.

Къалгъан  талебелер,невбетнен ,айванларнынъ хусусинтлерини ,арекетлерини айтып бере.

Булмачаны талебелер толдуралар.(филь,тильки,кирпи); (арслан,тавшан,къаплан, сансар,къашкъыр,шамек,аюв).

7. Лугъат иши.

Лугъат сёзлерини окъуйлар,шиирде оларны тапалар,къайсы сёзюнен багълагъаныны айталар.

Л. Джерменджи «Айванат багъчасында».

Талебелер эки такъыма болюнелер. Биринджи  такъым  талебелери окъуй, экинджи такъымы  суаль азырлай.

8. Пекетюв.

Презентация ярдымынен талебелер кийык айванларыны адларыны айталар.

Тапмаджаларыны тапалар.(тавшан,тильки,сансар,кирпи).

Тахтада ресимлер астына келишкен кийык айванларны адлары къоюла.

9. Дерснинъ нетиджесини чыкъарув.

Дерсимизде не ерге кезинип кельдик? (Айванат багъчасына).

Анда насыл айванларыны корьдик?

10. Рефлексия.

Бугунь дерсте   ……    …….  (айванат багъчасына кезмеге бардыкъ)

Айванат багъчасында   …..,  ……., …..,  ……,  ….. (арслан,тавшан.шамек,кирпи,тильки,аюв,къаплан,къашкъыр).

Дерс   …….  …… .( меракълы кечти)

11. Эв  вазифеси: кийик айванларыны ресимлерни япмакъ. Сёзлерини эзберлемек.