Конспект занятия по математике во второй младшей группе
план-конспект занятия по математике

Татарстан Республикасы Тукай муниципаль районы

Муниципаль бюджет мәктәпкәчә белем бирү учреждениесе “Зиләйлүк” балалар бакчасы

“Елак Әтәчтә кунакта”

Элементар математик күзаллауларны формалаштыру.

2 кечкенәләр төркеме

                      Гатауллина Р.Г.

                             1 категорияле тәрбияче

Сәмәкәй авылы

2019 ел

Программа эчтәлеге:

1. Предметларны озынлыкларына карап чагыштыра белү күнекмәләрен ныгыту; “озын-кыска”, “озынрак-кыскарак” сүзләрен куллану; махсус әзерләнгән урында бер һәм күп предметларны таба белү күнекмәләрен булдыру; юнәлешләрне күрсәтә белү күнекмәләрен ныгыту; аста-өстә, уңда-сулда сүзләрен куллану.

2. Дуслык мөнәсәбәтләрен, математика дәресләренә кызыксыну тәрбияләү.

Җиһазлар һәм материаллар:

Күрсәтмә материаллар: берсе озын яшел, берсе кыска сары  юл макеты, ишек алды макеты, 1 әтәч һәм 5 тавык уенчыгы, 6 кечкенә тәлинкәләр.

Таратма материаллар: балалар санынча сары кыска һәм яшел озын тасмалар.

Эшчәнлек барышы:

                   1.Кереш өлеше.

Балалар, әйдәгез бергәләп  “Дуслык тавы “ясыйк”. (Тәрбияче кулын суза, аңа балалар кулларын куялар). Карагыз, безнең дуслыгыбыз кебек ныклы, биек тау барлыкка килде. Мондый дуслар б-н теләсә нинди авырлыкны җиңеп була.

                    2.Төп өлеш.

Балалар, мин  бакчага килгәндә, юлда без сезнең белән укыган әкияттәге елак әтәч очрады, безне үзенә кунакка чакырды.Аның янына кунакка барасыгыз киләме?(Балалар җавабы). Әйдәгез алайса соңга кала күрмик. Карагыз әле, безнең алда ике юл.Алар нинди төстә?(Балалар җавабы). Әтәч  янына тизерәк барып җитү өчен нинди  юлдан барырга кирәк? (Балалар җавабы). Әлбәттә кыска юлдан. Ә кыска юлны ничек беләбез? (Балалар җавабы). Әйе, чагыштырып. Менә сезгә тасмалар, чагышытырыгыз әле. Кайсы юл кыскарак? (Балалар җавабы). Кайсы юл озынрак? (Балалар җавабы). Димәк без яшел юлдан барабыз.

Матур көй уйнала.

Арканы төз итеп, аякларны күтәреп атлыйбыз.

Менә килеп тә җиттек. (Балалар исәнләшәләр). Монда  ничә әтәч бар? (Балалар җавабы). Бер. Ә ничә тавык бар? (Балалар җавабы). Әйе, күп.

Без бүләккә тәлинкәләр алып килдек. Һәрберсенә берәр тәлинкә бирегез әле.

Әтәч безгә рәхмәт әйтеп кычкыра. Күзләрне йомыйк әле, кайда кычкыра икән ул? (Балалар җавабы: “Артта, алда, уңда, сулда”).

Әйдәгез  әтәч, тавыклар белән саубуллашып, кыска юлыбыздан бакчага кайтыйк.

                        3.Йомгаклау.

Балалар, без кая кунакка бардык, сезгә ошадымы кунакта? Иң ошаганы нәрсә булды (Балалар җавабы). Әтәчкә дә сезнең җавапларыгыз бик ошаган, ул сезгә күчтәнәчкә алмалар җибәрде. Сез барсын да дөрес эшләдегез. Рәхмәт сезгә.