сочинение по теме« И думы мои, и молитвы мои – о Родине, только о Родине».

              « И думы мои, и молитвы мои – о Родине, только о Родине».

                                                                                    Расул Гамзатов

        Цымӕ кӕцӕй райдайы Райгуырӕн бӕстӕ? Цымӕ кӕцӕй ӕвзӕры? Мӕнӕн Райгуырӕн бӕстӕ у мӕ райгуырӕн зӕхх, кӕм райгуырдтӕн, уыцы хӕдзар, мӕ зынаргъ адӕм, стӕй ма, мӕ сабийы бонтӕй зонгӕ кӕимӕ дӕн, уыцы диссаджы ӕрдз! Цы ма хъуамӕ уа адӕймагӕн ӕввахсдӕр?

      Кӕй зӕгъын ӕй хъӕуы, алкӕмӕн дӕр ис райгуырӕн зӕхх, хӕстӕг къуым. Бирӕ  фысджытӕ ӕмӕ поэттӕ арынц сӕ хуыздӕр уацмысты  райгуырӕн бӕстӕйы ном, дзурынц  патриотизмыл. Уыдоны ‘хсӕн лӕууы, йӕ поэзи  ӕппӕтадӕмон кӕмӕн сси, йӕ рӕстӕджы егъаудӕр поэттӕй сӕ иу Расул Гамзатов. Бирӕ зындгонд поэттӕ уыдис Дагъистаны йӕ размӕ дӕр, фӕлӕ ӕрмӕстдӕр уымӕ ӕрхауд иууыл амондджындӕр хай – нырыккон дагъистайнаг поэзийы ирддӕр стъалы суӕвын.

        Ӕрмӕстдӕр уый,йӕ курдиаты, йӕ ныхасы аивдзинады руаджы бафӕрӕзта Дагъистаны ӕппӕт рӕсугъддзинад равдисын. Поэтыл, поэзийыл, адӕмыл, Райгуырӕн бӕстӕйыл дзурын - поэты сфӕлдыстады сӕйрагдӕр темӕтӕ. « Мах райгуырӕн бӕстӕ не ‘ взарӕм нӕхицӕн, фӕлӕ райгуырӕн бӕстӕ йӕ тӕккӕ райдианӕй равзӕрста мах. Куыд цӕргӕсӕн ӕнӕ арвӕй, дзӕбидырӕн ӕнӕ къӕдзӕхӕй, валергӕсагӕн ӕнӕ тагъд ӕмӕ сатӕг цӕугӕдонӕй, хӕдтӕхӕгӕн ӕнӕ аэродромӕй, афтӕ фыссӕгӕн дӕр ӕнӕ райгуырӕн бӕстӕйӕ уӕвӕн нӕй».

                 В краю вершин крутых и гордых,

                 Где у сердец особый пыл,

                 Я звезды пил из речек горных,

                 Из родников студеных пил.

Расул Гамзатов йӕ райгуырӕн бӕстӕйӕ афтӕ сӕрыстыр уыд, афтӕ йын аргъ кодта, уарзта йӕ, ӕмӕ ӕрмӕстдӕр уымӕн уыд йӕ бон ахӕм рӕнхъытӕ ныффыссын. Йе ‘ мдзӕвгӕты хъуысы, хӕххон дон кӕмтты куыд уайы, къӕдзӕхӕй иппӕрд дуртӕ бынмӕ куыд тулынц, мӕргътӕ райгуырӕн зӕххыл куыд зарынц, уый. Уымӕн иууыл зындӕр уыд, ӕндӕр бӕстӕтӕм цӕугӕйӕ, йӕ хӕдзар, йӕ хъӕу, Дагъистан ныууадзын. Йӕ ӕрхӕндӕгдзинад, йе  ‘нкъарддзинад, йӕ хъыг барста ӕрдзон фӕзындтимӕ, царды ивддзинӕдтимӕ. Кӕм фӕнды ма уыдаид поэт, уӕддӕр йӕ хъуыдытӕ баст уыдысты ӕрмӕстдӕр Дагъистанимӕ.

                   И где б я не жил,

                   Моя песня стремится

                   К родимым аулам,

                  К любимой столице.

Йӕ райгуырӕн бӕстӕмӕ ‘ рыздӕхгӕйӕ та-иу Дагъистанмӕ ахӕм дзырдтимӕ раздӕхт: «Дзӕвгар бӕстӕтӕ федтон, фӕлӕ мын уӕддӕр а-дунейыл иууыл уарзондӕр ды дӕ».

       Расул Гамзатов йӕ райгуырӕн бӕстӕйыл ӕрмӕст Дагъистан нӕ нымадта, фӕлӕ ма Уӕрӕсе дӕр. « Мӕ адӕмӕн, мӕ бӕстӕйӕн, мӕ чингуытӕй се ‘ ппӕтӕн дӕр ис дыууӕ ныййарӕг мады, - фыста уый.

- Мӕ фыццаг мад – райгуырӕн Дагъистан. Ам райгуырдтӕн, ам фыццаг хатт фехъуыстон мӕ мадӕлон ӕвзаг, ам банкъардтон дон ӕмӕ дзулы ад. Мӕ дыккаг мад – номдзыд Уӕрӕсе, номдзыд Мӕскуы. Схаста мӕ, базартӕ мыл басагъта, уӕрӕх фӕндагмӕ мӕ ракодта, ӕнӕфӕугӕ ӕрвгӕрӕттӕ ӕмӕ мын ӕппӕт дуне фенын кодта. Дыууӕ ныййарӕджы раз дӕр мыл ис хъӕбулы хӕс. Дыууӕ мады -дыууӕ базыры. Куыд цӕргӕс тӕхгӕ-тӕхын нӕ зоны, кӕцы базыр ӕй тынгдӕр хъӕуы, афтӕ йӕ ӕз дӕр нӕ зонын, кӕцы мад мын у зынаргъдӕр…».

       Гамзатов бирӕ ӕмдзӕвгӕты ссардта Уӕрӕсе ӕмӕ Мӕскуыйы ном, йӕ бон бацис дыууӕ адӕмы ‘ хсӕн хӕлардзинады хидтӕ аппарын, сӕ иузӕрдион бастдзинӕдтӕ ныффидар кӕнын.

                            Я жизнь люблю, люблю я всю планету,
                           В ней каждый, даже малый уголок,
                           А более всего Страну Советов,
                            О ней я по-аварски пел как мог.

                                Мне дорог край цветущий и свободный,

                                От Балтики до Сахалина — весь…

           Расул Гамзатов уыдис, у ӕмӕ уыдзӕн ӕппӕт дунейы уарзон поэт. Йӕ поэзи та, номдзыд Пушкины поэзийау, кӕддӕриддӕр уыдзӕн актуалон ӕмӕ никуы фесафдзӕн йӕ ахадындзинад.