Урок по творчеству Ф.Хусни.
методическая разработка (7 класс) по теме

Тема: Хәсрәт килгәндә,язмыш көлгәндә,

     Дусның ялганы- чыны сынала.(Ф.Хөснинең “Йөзек кашы” әсәре)

Максат: -әсәрне ни дәрәҗәдә үзләштерүләрен ачыклау;

  -укучыларның иҗади сәләтен үстерү;

- бер-берсен ихтирам итәргә,матур яшәү өчен дуслаша белү  

  сыйфатларын тәрбияләү,

 -үзеңдә яхшы сыйфатларны булдырырга омтылу.

Җиһазлау:таратма материаллар,көзгеләр, кара сандык, магнитлар, Ф.Яруллин “Рәхмәт сезгә әйбәт кешеләр” шигыре,музыка.

Дәрес тибы:алган белемнәрне гомумиләштерү,йомгаклау дәрес.

Метод һәм алымнар:сорау-җавап, әңгәмә,эзләнү, иҗади эш, бәхәс.

Дәрес барышы.

1.Дәресне оештыру.Укучылар, без төркемнәрдә эшләрбез. Дәресемне бер риваятьтән башлыйсым килә.Борын-борын заманда ,бик биек тауда гаиләсе белән бер көтүче яшәгән.Ул бик ярлы булган.бер төнне аларның ишегн 3 кеше шакыган.Көтүченең өе бик кечкенә  икән.Көтүче аларга :”Минем өем бик кечкенә,берегезне генә кертә алам,сез кемнәр соң ?” – дигән.

  - Без Дуслык, Байлык, Бәхет,син кайсыбызны чакырасың,шул керер.

Сезгә сорау:көтүче кемне чакырган ?.Слайд.

1. Билгеле, дуслыкны.
2. Ә ни өчен Дуслыкны чакырган?  Аның өенә  Дуслык кергәч,гаиләсенә Бәхет һәм Байлык килгән.Дуслык булса,гаилә бәхетле ,кайда бәхет –
3. шунда  байлык  була.

 2.Слайд.Эпиграф укыла:            Дуслар килә шатлык алып,

                                    Дуссыз күңел – шыксыз дала.

                                    Дуслар китә, ләкин өйдә

                      Бәхет кала,шатлык кала.(Ф.Яруллин)

3.Акыл штормы.Нәрсә ул дуслык?

- укучылар, бер-берсен кабатламый, фикерләрен әйтәләр(тактага язып барыла)

-кемне дә булса үз итү,

-бер-береңне ихтирам итү һ.б.

4.Слайд.Аңлатмалы сүзлектә дуслык-1.ихтияҗларның,караш-фикерләрнең уртаклыгына,узара рухи якынлык,бер-береңне ихтирам и һ.б. хисләргә нигезләнгән мөнәсәбәт;

2.Берәр нәрсә белән мавыгу,аны ярату хисе(китап белән дус булу).

4. Дуслык турында мәкальләрнең яртысы язылган карточкалар  өләшенә. Калган яртысын язып бетерергә.(слайд. Музыка астында эшлиләр).

5.Эшләрне тикшерү-слайдка карап.

6.Энергизатор-Дуслык җылысы.

7.Әсәрне анализлау.(слайдта һәр ике төркемгә дә сораулар бирелә, чиратлап анализлыйлар).

8.Халык авыэ иҗатында да яман дуска карата мәкальләр  шактый,берничәсен укып,аңлатып үтик.(слайдтан  мәк. укыла)

9.Тактага сүзләр беркетелә: юмарт, кешелекле, хыянәт, хурлау, астыртынлык,    намуслы, ярдәмчел һ.б.

-Укучылар, шушы сүзләр арасыннан дуслык янында йөрергә тиеш булмаганнарын алып,шушы кара сандыкка салыйк.Ул сыйфатлар сезгә дә, дусларыгызга да юлдаш булмасыннар, мин аларны сандык белән алып китәм.

10.Ә хәзер, сезнең алдыгызга мин көзгеләр куйган идем, шуларга карап, киләчәктә үзегезнең нинди дус һәм дусларыгыз нинди буласын күззаллыйсыз. (укучылар фикерләрен берәм-берәм әйтәләр)

-Әйе,укучылар, бер көнлек кенә дус булмый.Сезгә юлыгызда  чын дуслар юлдаш булсын,үзегез дә дуслыкның кадерен белегез.

11.Слайд.Д.Карнеги сүзләрен укый һәм нәтиҗә ясый.

12.Өй эше. 1 төркем.”Минем дустым”

                   2 төркем.”Госман Айдарның дустымы?”

13.Билгеләр кую.Кем үзен дәрестә актив катнаштым дип саный, кызыл түгәрәк, тиешенчә җавап бирмәдем дип уйлый, алар зәңгәр түгәрәкләр алыгыз.

 Дәресемне Ф.Яруллинның  ”Рәхмәт сезгә, әйбәт кешеләр” шигыре белән тәмамлыйм.(музыка куела)