Главные вкладки

    Открытый урок. Тема: "ГущыIэухыгъэзэхэлъыр" зэфэхьысыжь урок. ("Сложное предложение" обобщающий урок с презентацией)
    план-конспект урока (9 класс) по теме

    Гишева Нагмет Нурбиевна

    Предварительный просмотр:

    АдыгабзэмкIэ зэIухыгъэ урокым иплан – конспект.

    Темэр: ГущыIэухыгъэ зэхэлъыр. Зэфэхьысыжь урок.

    Мурадыр: 

    • ГущыIэухыгъэ зэхэлъымкIэ шIэныгъэу агъотыгъэмэ язэфэхьысыжьын.
    • Гущы1эухыгъэ зэхэлъмэ зэпххэр къыхагъэщэу, ык1и ахэр  зыфэдэхэр къа1ошъоу егъэсэгъэнхэр.

    Урокым икIуакI.

     I.Урокым изэхэщэн.

    Тинепэрэ урок Iэшъынэ Хьазрэт игущыIэхэмкIэ къедгъэжьэн.

    (А 1-рэ слайдыр къытыредзэ)                                                                      

                                                                     

                                                                         ЖАБЗЭ ПIУЛЪМЭ БЭ КЪЫРЫПIОНЭУ,

                                                                         ТИI АДЫГАБЗЭ ЗЫМИ ХЭМЫКIУАКIЭУ.

                                                                                                                                    Iэшъынэ Хь.

    Мы гущыIэ шIагъохэмкIэ Iэшъынэ Хьазрэт адыгабзэу иныдэлъфыбзэ кIуачIэу иIэр, ар пIулъмэ бэ къипIотыкIын зэрэплъэкIыщтыр, зэрэбаир къыдгурегъаIо.

    (я 2 -рэ слайдыр къытыредзэ) ГущыIэухыгъэхэр атхых.

    • Зэрэбынэу чъыежьыгъэ, ау Хьабибэ чъыер къекIурэп.

    • Къоджэ клубым цIыфхэр екIуалIэщтыгъэх, сыда пIомэ концерт гъэшIэгъон къыщагъэлъэгъонэу щытыгъ.

    Мыхэр сыд фэдэ гущыIэухыгъэха? (ГущыIэухыгъэ зэхэлъых).

    Апэрэ гущыIэухыгъэр – зэгъусэзэхэлъ, зэпыщыт зэпхэу ау зыфиIорэм къегъэпсы.

    Я 2-рэ гущыIэухыгъэр – зэпхыгъэзэхэлъ, гущыIэухыгъэ лъапсэу  Къоджэ клубым цIыфхэр екIуалIэщтыгъэх    ыкIи гущыIэухыгъэ гуадзэу концерт гъэшIэгъон къагъэлъэгъонэу щытыгъ  зыфиIохэрэр зэпхэу сыда пIомэ зыфиIорэм зэрепхых.  

    Джары непэ тызтегущыIэщтыр.  

     

    II.Темэмрэ мурыдымрэ ясIон.

    Непэ кIалэхэр, урокым темакIэ щызэдгъэшIэщтэп, гущыIэухыгъэ зэхэлъ зыфиIорэ темэмкIэ шIэныгъэу шъуиIэхэр зэфэтхысыжьыщтых.

    (нэбгыритIу доскэм кIэрытхэу, чъыер – фонетическэ зэхэфын,    цIыфхэр – гущыIэр зэрэзэхэтымк1э къызэхафы).

    III. УнэмкIэ гъэцэкIэным иуплъэкIужьын.

     (тесткIэ сэуплъэкIужьых)

    Тестыр

    1. ЩыкIэрэр хэгъэхъожь.

    ГущыIэухыгъэ къызэрыкIуитIу е нахьыбэ зыхэт синтаксическэ занэм  

    А) гущыIэухыгъэзэгъусэзэхэлъ раIо

    Б) гущыIэухыгъэ зэпхыгъэзэхэлъ раIо

    В) гущыIэухыгъэ зэхэлъ раIо

       

     2. гущыIэухыгъэ  зэхэлъхэр сыдэущтэу гощыгъэха?

              А) зэпх зыхэт ыкIи зэпх зыхэмыт гущыIэухыгъэ зэхэлъхэр

               Б)  гущыIэухыгъэ зэгъусэзэхэлъхэр

               В)  гущыIэухыгъэ зэпхыгъэзэхэлъхэр

               Г) гущыIэухыгъэ зэхэлъхэр ык1и къызэрыякIохэр

         3.   Сыдэущтэу гъэпсыгъэ хъухэра гущыIэухыгъэ зэгъусэзэхэлъхэр?

              А) подлежащэмрэ сказуемэмрэкIэ гъэпсыгъэх

               Б) зэпххэу: ыкIи, ау, ау щытми, ары шъхьакIэ, ары шъхьае, шъхьае, шъхьакIэ, нахь мышIэми, нахь, армырмэ, пакIошъ, е, зэ-зэ, загъорэ-загъорэ.

               В) мыр, мор, ар, мы, мо, а зыфиIохэрэмкIэ гъэпсыгъэх

         4.  гущыIэухыгъэ зэпхыгъэзэхэлъым сыда хахьэхэрэр?

              А) гущыIэухыгъэ лъапсэмрэ гущыIэухыгъэ гуадзэмрэ

               Б) гущыIэухыгъэ гуадзэр

               В) гущыIэухыгъэ лъапсэр

       

      5.  гущыIэухыгъэ зэгъусэзэхэлъыр къыхэгъэщ

               А) уашъор пщэмэ зэлъаштагъ.

               Б)  тыгъэр къушъхьэм ыкIыб щетIысэхыгъ.

               В)  уашъор пщагъоу щытыгъ, ау ощх къещхыжьыщтыгъэп.

       

       6.  гущыIэухыгъэ зэпхыгъэзэхэлъыр къыхэгъэщ.

               А) Пчыхьэрэ Хъусен зыгъолъыжьырэм, мычъыежьэу бэрэ пIэм хэлъыщтыгъэ.

               Б)  Гулэз гумэкIыщтыгъэ, сыда пIомэ ежь ыгу зыфакIорэм игъогупэ ащ    

                     къыпибзыкIынкIэ щынэгъуагъэ.

               В) Тыгъэр лъэшэу къепсыщтыгъэ ыкIи мафэр фабэу щытыгъ.

    (зэхэфынхэр тэуплъэкIужьых, атхых).

    IV. (Я 3-рэ слайдыр къытыредзэ). ГущыIэухыгъэхэр тешъутхыкI, ищыкIэгъэ зэпххэр хэжъугъэуцожь,  а 1-рэ гущыIэухыгъэр синтаксическэу къызэхэшъуф.

     

    • Мафэ къэс лIыжъым кIэу нэшанэ шым къыхигъуатэщтыгъэ … ахэр  Анцокъо ыгъэшIагъощтыгъэ. (ык1и)

    • Мамырныгъэм тэ тыфэбанэ, … мамырныгъэ щымыIэу тэ тынасыпышIощтэп.

    (сыда п1омэ)

    • Чылэ заулэ къызэранэк1ыгъ … нэфшъагъом дэжь чылэ цIыкIу горэм къыщыуцугъэх.(ык1и)
    • Нафисэт бэрэ алъыджагъ, … адрэмэ зэхахыгъэп (ары шъхьак1э).

    Мы аужырэ гущы1эухыгъэр къызхэхыгъэр сыд фэдэ  романа ык1и хэта зытхыгъэр?

          (К1эрэщэ Т. «Насыпым игъогу»)

    Литературэм иурокмэ тащытегущы1агъ а романным.

    V. Тхылъым Iоф дэшIэгъэныр.

    Iоф. 353  (жэрыIокIэ)гущыIэухыгъэ лъапсэмрэ гущыIэухыгъэ гуадзэмрэ къыхэжъугъэщ)

    Iоф 350. (гущыIэухыгъэ къызэрыкIохэр гущыIэухыгъэзэхэлъ шъушIыхэзэ тешъутхыкI).

     

    VI. (я 4-рэ слайдыр къытыредзэ)  ГущыIэухыгъэхэр зэгъэзэфэжьых, гущыIэухыгъэхэр гъэпсых, зыфэдэхэр къа1ох.

    • Еджагъ, IукIодыкIыгъ, шъхьаем, ари Мосэ.

    • Е, уешъожьынкIэ, егъукIы, мыбылымыжьэу, е, псыр, мэушIоркъы.

    • ТишIуагъэ екIыгъагъ, сыда пIомэ, угу, ащ фэдэу, егъашIэми пщыгъупшэщтэп, шъхьакIо къыпщыхъурэр, нахь къенэ.  

    VII. Урокым изэфэхьысыжь.

    Сыда непэрэ урокым тызтегущыIагъэр?


    Предварительный просмотр:

    Чтобы пользоваться предварительным просмотром презентаций создайте себе аккаунт (учетную запись) Google и войдите в него: https://accounts.google.com

    Подписи к слайдам:

    Слайд 1

    Жабзэ п I улъмэ бэ къырып I онэу, Ти I адыгабзэ зыми хэмык I уак I эу I эшъынэ Хь.

    Слайд 2

    Зэрэбынэу чъыежьыгъэ, ау Хьабибэ чъыер къек I урэп. Къоджэ клубым ц I ыфхэр ек I уал I эщтыгъэх, сыда п I омэ концерт гъэш I эгъон къыщагъэлъэгъонэу щытыгъ.

    Слайд 3

    Мафэ къэс л I ыжъым к I эу нэшанэ шым къыхигъуатэщтыгъэ … ахэр Анцокъо ыгъэш I агъощтыгъэ. Мамырныгъэм тэ тыфэбанэ, … мамырныгъэ щымы I эу тэ тынасыпыш I ощтэп. Пчъэ к I ыбымк I э лъэмакъэхэр къыщы I угъэх … Гулэз къэт I ыгурыгугъэм фэдэу къызщылъэтыгъ. Нафисэт бэрэ алъыджагъ, … адрэмэ зэхахыгъэп.

    Слайд 4

    Мы гущы I эхэр зэгъэзэфэжьых, гущы I эухыгъэхэр гъэпсых, зыфэдэхэр къа I о. Еджагъ, I ук I одык I ыгъ, шъхьаем, ари Мосэ. Е, уешъожьынк I э, егъук I ы, мыбылымыжьэу, е, псыр, мэуш I оркъы. Тиш I уагъэ ек I ыгъагъ, сыда п I омэ, угу, ащ фэдэу, егъаш I эми пщыгъупшэщтэп, шъхьак I о къыпщыхъурэр, нахь къенэ.

    Слайд 5

    Мафэ къэс л I ыжъым к I эу нэшанэ шым къыхигъуатэщтыгъэ … ахэр Анцокъо ыгъэш I агъощтыгъэ. Мамырныгъэм тэ тыфэбанэ, … мамырныгъэ щымы I эу тэ тынасыпыш I ощтэп. Чылэ заулэ къызэранэк I ыгъ … нэфшъагъом дэжь чылэ ц I ык I у горэм къыщыуцугъэх. Бирамрэ Сэфэррэ зы ч I ып I э щысхэу … щытхэу зэщымыхьанэу зэш I омынэнхэу амал и I агъэп.


    По теме: методические разработки, презентации и конспекты

    Открытый урок и презентация урока ИЗО в 5 классе по теме: "Герб моей семьи

    Данный урок  является последним этапом работы над проектом "Герб моей семьи"....

    Открытый урок по теме Производная сложной функции

    Разработка открытого урока по теме Производная сложной функции...

    Открытый урок по русскому языку "Сложные предложения"

    Закрепить понятие о сложном предложении, учить строить сложные предложения с союзами а, и, но....

    Открытый урок. 5 класс. Площади сложных фигур

    Сценарий урока и презентация...

    Открытый урок в 8 классе по теме "Профессии" и презентация к уроку

    Этот открытый урок  в рамках семинара "Личностно-смысловое включение учащихся на уроках гуманитарного цикла"....

    открытый урок по теме: "урок - мастерская "Добро и Зло" по сказке В.А. Жуковского "Спящая царевна" + презентация и музыкальное сопровождение

    Системно - деятельностный подход к обучению учащихся на уроке русской литературы в 5 классе в рамках реализации ФГОС ООУрок-мастерская «Добро и зло»(по произведению В.А.Жуковского «Спящая царевна»)...