Главные вкладки

    Андырхъое Хъусен къызыхъугъэр илъэс 90 зэрэхъурэм фэгъэхьыгъэу зэхахьэу рекIокIыгъэм ипэубл.
    материал по теме

    Гишева Нагмет Нурбиевна

    Андырхъое Хъусен къызыхъугъэр илъэс 90  зэрэхъурэм фэгъэхьыгъэу зэхахьэу рекIокIыгъэм ипэубл.

    Скачать:


    Предварительный просмотр:

    Андырхъое Хъусен къызыхъугъэр илъэс  90 зэрэхъурэм фэгъэхьыгъэ зэхахьэу рекIокIыгъэм ипэубл.

    Ц1ыфыр дунаим къызтехъуагъэм щегъэжьагъэу, апэрэ лъэубэкъухэр зэридзыгъэм тетэу, хэтк1и язэфэдэу, фитныгъэшхохэр къы1эк1ахьэх. Ныбжьым хахъоу, гъаш1эр ыпэк1э лъык1уатэ къэс, лъэгъо гъэнэфагъэхэр зыфегъэуцу ык1и ахэм язэш1охын фэк1о. Ау щы1эныгъэр гъэш1эгъонэу гъэпсыгъэ: загъорэ тэ зэрэтымы1уахэу тапэк1э къиныгъо зэфэшъхьафхэр, ушэтып1э зэмыл1эужыгъохэр къиуцоу мъэхъу. Ахэм таущтэу уапхырык1ыщт, сыдэущтэу акъылрэ къулайныгъэрэ къафэбгъотыщт, такъикъ къиным иамал тэрэзэу къызфэбгъэфедэщт?

          Джащ фэдэ ч1ып1э къин ифэгъагъ ныбжьык1э дэдэу Андырхъое Хъусен ихэгъэгу къыухъумэ пэтзэ Зы нэгъэуп1эп1эгъу ны1эп уахътэу къыфанэщтыгъэр, - е зитын, е фэхын.  Илъэс т1ок1ырэ зырэ нахь зымыныбжь к1элэц1ык1ур хэгъэгу зэошхом зэрэхэлажьэрэр имыкъоу, ащ л1ыхъужъыныгъэшхо щызэрихьан ылъэк1ыгъ. Ежьыри фэхыгъэ нахь мыш1эми, къэзыуцухьагъэ нэмыцмэ  яфэшъуашэр аригъэгъотыгъ, ч1ып1э къинэу зэрыфагъэм изэш1охын амалэу фэхъугъэм ц1эры1о ыш1ыгъ.

            Ащ ыуж илъэс пчъагъэ тек1ыгъ нахь мыш1эми, щы1эныгъэр икъоу зэтеуцуагъэу, мамырныгъэр ташъхьагъэу тэпсэуми, л1ыхъужъым ыц1э тарихъым пытэу щыпхырыщыгъэу щыт. Ушэтып1э лъэшым к1эухэу фэхъугъэр, зэманыр зэхъок1эу. Илъэсхэр зэблэк1ы къэсми, ныбжьык1эу къытк1эхъухьэрэмэ щысэтехып1эу афагъэуцущт, л1ыхъужъым ищытхъу ц1ыфхэр псэуфэ ягуапэу зыда1ыгъыщт.

         «Л1ыхъужъыр народым дыщы1» зыфи1орэ гущы1эхэр пэш1орыгъэшъэу къеушыхьаты мы мафэхэм, гъэтхапэм ит1ум, Андырхъое Хъусен къызыхъугъэ мафэм щегъэжьагъэу илъэс т1ок1ипл1ырэ пш1ырэ зэрэтек1ыгъэм фэш1 ш1эжь пчыхьэзэхахьэу зэхащэгъагъэр. Ащ къек1ол1агъэх и1ахьыл гупсэхэр, чылэдэсхэр ык1и Республикэм и1эшъхьэтет гуадзэхэр. Ыц1э инэу ща1этыгъ, ш1эжьым нэпсхэр къыгъэк1уагъ, джыри зэ Хъусенэ

    Л1ыгъэу зэрихьагъэм фэбэ-фабэу агу къагъэк1ыжьыгъ, Л1ыхъужъым исаугъэтэу Андырхъуаем имузей ыпашъхьэ итым къэгъэгъэ 1эрамхэр тыралъхьагъ ык1и Мамхыгъэ гурыт еджап1эм ич1эхьап1э дэжь иш1эжь пхъэмбгъу къыфыщызэ1уахыгъ.

          Ц1ыф къызэрык1оу Андырхъое Хъусен дунаим къытехъуагъэми, щы1эныгъэ гъогоу къык1угъэм ушэтып1эу фэхъугъэм к1эух  лъэуж дахэк1э ыц1э къытхигъэнагъ. Хъусенэ орэд фаусыгъ, музей фагъэуцугъ, исаугъэт мыжъо сыным хаш1ык1ыгъ, л1ыхъужъ ц1эры1ом ижъуагъо ренэу лъэпкъым къыхэнэфык1эу къэнагъ.          

    Къ. Хьакурынэхьабл.

    2010-рэ илъэс


    По теме: методические разработки, презентации и конспекты

    Ныдэлъфыбзэм фэгъэхьыгъэ гущIэхэр (Высказывания о родном языке на адыг. языке)

    1.     Сиадыгабзэ сэ рысхъожьынэу зы бзи щымыI. (КIубэ Щ).2.     НэмыкIыбзэумыш1эным емыкIу хэлъэп, емыкIушху умышIэныр адыгабзэр (КIубэ Щ).3....

    Адыгабзэм фэгъэхьыгъэ зэхахь

    Адыгабзэм фэгъэхьыгъэ  зэхахьэм  исценарий...

    внеклассное мероприятие " Бзэм имафэ фэгъэхьыгъэ мэфэзэхахь"

    Дунаим анахь ч1ып1э дахэу и1эм адыгэхэр  ижъык1э къыщегъэжьагъэу щэпсэух. Адыгэхэр непэ зымыш1эрэ ц1ыф дунаим тетэп п1оми ухэукъонэп. Зи1офхэр мамырэу зезыхьэрэу, зикъэбархэр чыжьэу зы1этын зылъэ...

    Внеклассное мероприятие "Адыгеим фэгъэхьыгъэ мэфэзэхахь"

    Шъуимафэш1ух  ныбджэгъу   лъап1эхэр.  Тиадыгэ  республикэ илъэс 27-рэ  зэрэхъурэм фэгъэхьыгъэ  мэфэзэхахьэр къызэ1утэхы...