№п/п

           Эшчәнлек төре

    Көтелгән җаваплар

1.

Уңай психологик халәт булдыру. Укучыларның фикерләрен дәрескә хәзерлеккә туплау.

-Хәерле көн,укучылар! Кәефләрегез ничек?

-...

-Укучылар,дәресне башлыйбыз.

(Укучыларга карточкалар өләшенә.Анда мәкальнең яртысы язылган,алар дәвамы язылган кешене табарга тиешләр. Музыка яңгырый.Парлап утыралар.Эш шулай дәвам итәчәк).

-Эшне бергәләп башкарачаксыз. Уңышлар Сезгә!

1.Егет кешегә җитмеш төрле һөнәр дә аз.

2.Дуслык тау күчерә.

3.Китап- белем чишмәсе.

5.Казан карасы китә,намус карасы китми.

7.Сабыр төбе-сары алтын.

8.Кулыңнан бер яхшылык килсә,бишне кыл.

2.

“Әсәрне таны” уены: Жанры-хикәя. 1922 нче елда язылган.Әсәрдә ат образына зур урын бирелгән,авыл халкының тормышы,татар халкының гореф-гадәтләре,бәйрәмнәре бик оста сурәтләнгән.20 бүлектән тора.

Галимҗан Ибраһимовның “Алмачуар”хикәясе.

3.

Әлемгол,Хафиз,Фатиха,Сафа,Шәяхмәт, Фәхри,Гайния,Закир,Галәви,Апуш,Сәпәр,

Җамали.Болар-әсәрнең образлары.

   Хәзер укылачак сыйфатлар кайсы геройга туры килә?

“Геройны таны”уены:Ул авылда яши,кечкенәдән табигать белән аралашып,эшләп үсә.Саф күңелле, романтик  рухлы.Үзенең туган җирен, туган авылын ярата,анда үскән һәр нәрсәгә игътибарлы.

Закир.

4.

Ә бу сыйфатлар кайсы геройларга  туры килә?

Тормыш тәҗрибәсе-...

Вөҗдан газабы-...

Сафлык-...

Сафа бабай

Әлемгол

Хафиз

5.

Укытучы китаплар күрсәтә:Дәреслек.Ф.Ә.Ганиева,М.Д.Гарифуллина; Галимҗан Ибраһимов.Сайланма әсәрләр.III том.2002.; Галимҗан Ибраһимов.Казан,2007.

-Бу китапларны нәрсә бәйли?

-Ә хәзер әсәрдән өзек тыңлап үтик.

-Спектакльдән өзек карыйк.

Өчесендә дә  шул әсәр бар.

Аудиоязма.

Спектакльдән өзек.

6.

Әсәрнең исеменә игътибар итик:”Алмачуар”. Хикәя ни өчен төп герой(Закир) исеме белән аталмаган дип уйлыйсыз?Әсәрнең исеменнән соң җәя эчендә бирелгән сүзләргә игътибар итегез:нәрсәгә мәхәббәт һәм нинди тарих алдан ук искәртеп куелган икән?

            Алмачуар

(Бер мәхәббәтнең тарихы)

Закир белән Алмачуар образлары бер-берсеннән аерылгысыз.Алмачуар турындагы тарихны сөйләүнең үз максаты бар.

7.

Әсәргә план төзеп карыйк әле.

1.Әлемголның Хафизга бер бия бүләк итүе,фатиха кылдыруы.

2.Колынның Закирга китергән шатлыклары. Алмачуарны тәрбияләп үстерү тарихы.

3.Сабан туенда булган вакыйгалар.

4. Хикәянең тәмамлануы: төп фикер, нәтиҗәләр.

8.

Укучыларга “Атлар” дигән буклет күрсәтелә. Сатыш һәм Чәбки-Саба авылында урнашкан ат фермалары турында әңгәмә.Р.Ибраһимова башкаруында “Көмеш тояк тулпар атым”дигән җыр яңгырый.

Рус әдәбиятыннан атларга багышланган әсәрләрне искә төшерү;тормышта атларны гомер агышына охшату;атларда йөрүләре;Сабантуйдагы ат чабышлары һәи ипподромнар  турында әңгәмә.

9.

Ял итеп алдык.

Ә хәзер эшебезне дәвам итик.

-Сез әлеге әсәргә рәсемнәр ясамадыгызмы?

Рәсемнәр буенча әңгәмә.

10.

-Вакыйгаларда кешеләр арасындагы нинди хис күрсәтелә?

- Яхшылык эшләмәү,гадел булмау турында

тагын нинди әсәрләр беләсез? 

-Гаделлек һәм гаделсезлек.

1.Әлемгол-   Сабантуйда гаделсез көрәшә.

2.Карунбай- гаделсез хөкем чыгарып,  абыйсын нахакка төрмәгә утырталар.

3.Староста-     Сабантуйда гаделсез урын бирә.

(Алар үзләренең гаепләрен аңлыйлар:гафу үтенәләр)

4. Закир-         Алмачуарга карата гаделсез була.

(Гафу үтенми:җәзасын ала).

“Өч кыз” әкияте,Ф.Яруллинның “Зәңгәр күлдә Ай коена” әсәре һ.б.

11.

Хикәянең башламын искә төшерик әле.

Хикәя күптән булган вакыйганы сөйләү белән башлана:Хафизны Әлемгол, хәрәмләп,аяк чалып еккан була.Менә шундый хәл Закир тормышында да кабатлана.Закирның

”Чабышкы атым булсын иде!”дигән көчле балачак хыялы белән тормышта була торган гаделсезлек.Алмачуар үлеменең сәбәбе Закир өчен әһәмиятле түгел,чөнки ул әле мондый көтелмәгән хәлләр белән көрәшерлек яшькә җитмәгән.

12.

Закирның киләчәген ничек күз алдына китерәсез?

Авыр тетрәнә кичерсә дә,малай тормышның башка сынауларын ,мөгаен,сабыррак кабул итәр.

Кеше тормыш авырлыкларын җиңеләйтә,гаделсезлекне җиңә дә алырга тиеш- яшәү шуннан гыйбарәт.

13.

Йомгаклау сүзе:

Укучылар,тормыш,яшәү шатлык-кайгылардан тора.Аның тыелгысыз агышында кешенең төрле хәлләргә каршы тора белү,җиңелү газабыннан соң чыныгу сыйфатлары да формалаша бара.

   Тормышта матур яшәгез!

14.

Өй эше:

“Закирның кичерешләре”темасына сочинение язарга әзерләнергә.

15.

Билгеләр кую.