конспект урока имя существительное на родном агульском языке
план-конспект урока (10 класс) на тему
Предварительный просмотр:
Тема: Существительное
Дарсун метлеб:
- тикрар акьас существительное;
- цlуьппе акьас ягIаттар существительныбурихъас ;
- шиниккварин йиркIв гъагьдивас, Iешкъ дивас учин агъул чlалахъди;
- мехIкемди хурагъилди агвар акьас.
Дарсун къайда
- Дарсун кlил:
Ахшам хайир, Iезиз хIуьрматлу дусттар. ЯгIа хьин завал хьуная мисал хье агъул чlалан открытый дарс бадала.
Джалла хlезур ухь дарсунахъди. Башламиш акьас кканди ая зас ме дарс миштти.
1991 иса 10-пе августи аттихьуне хье агъуларин алфавит, гисалас дахъуне хье литературный чIалра. Гьал хье джемеIетис мумкинвел хьуне ишлемиш акьас литературный чIалал ликIенас китабар, газитар.
Гьал хье Iелимар ппара лихая ме хье грамматикайил, мактабин китабарил. Хьехъра хьасе амметтарихъ суман хIекьдан литературный чIал, китабар, таблицабур вас ара амме шейэр дарсуниъ герекинттар.
Хье кьастт иджи хурас, дузди ликIенас,аеттар ягIаракьас.
- Цlае дарс:
- ЯгIайин дарс зас ачатас кканде морфологияйис. Амма найи чlалан пайис ичин, ахтармиш акье чун чиппи.
Магьа чвас агъул чlалан алфавит, аттив ме хIисабарилди гафар.
43,1,21 – чlал
3,1,30,1,23 – ватан
2,1,2 – баб
36,1,21,19 – халкь
36, 14,13,1,23 – хизан
8,1,28,29 – дарс
А.Фи гафар э мебур? – Существительныбур.
Б. Фиштти чун ахтармиш акьуф? – Суалар.
В. Фишттин суаларис джувабар ирцlанде агъул чlалан сушествительныбури?
- Дахъ чве дафттарар, ликlен ягlайин число
Шейар агвар аркьа чIалан пайис существительныбур агъафе.
Существительныбур Фуш? Фи? суаларис джувабар ирцIанде.
Существительныбурик, ме суаларис джувабар ирцIанттарик, кея мишттин ишанар:
Инсанар: духттур, пагьливан, Камалуттин, Рамазанов, язна, руш ва с.дж.;
Нахширар: даги, ккел, миляхъв, джимджах, деве, аслан, урч ва с.дж.;
Набататар: гьеч, медж, кьутI, куржам, калам, джихер ва с.дж.;
Шейэр: курси ,кьуш, хIуьяг, тиян, китаб, хавакк, дурахил ва с.дж.;
Хасиятин ишанар: ламус, кьискьис,зурбавел, игитвел, IешрикI ва с.дж.;
ТIабиIэтин гьавабур: мекI, ибхь, угъал, аяз, тIурфан, ягъ, Iуьш ва с.дж.;
Джакьвар: пеI, лиI, булбул, урдаг, къаз ва с.дж.;
Чиппин мегIнайис я чIалаъ аркьае рольдис хъуттурфуна существительныбур Iу джуьрайис джуьре вея.
Джинс существительныбур агъаттарна, хас существительныбур агъаттар.
Джинс существительныбур вари са джинсунин шейэрис йинае ттур э.
Месела: шагьур, китаб, куьча, руш, кIиркI, инсан, хIейван.
Хъа хас существительныбур – ме сасрабурилас джуьре акьас са учис йинае ттур.
Хас существительныбур хIа хIерфунилас лиркIен гафар э.
Инсанарин ттурар фамилиябур: МехIемадов Рамазан Кьулбанович;
Нахширарин ттурар: Джульбарс ,Ирай,Къарабаш;
Шагьурарин, хIурарин ттурар: МехIечкъала, Бедюхъ;
ХIуьларин, нецIварин ттурар: Каспий хIуьл,Чирагъ-чай;
Деребурин, суварин ттурар: Магъу-дере, Джуфа-су.
Существительныбур классарис, кьадарарис хъа падежарис дегиш вея.
инсанарин класс - Фуш? Фушар? суалар алихьафе,
инсанарилас гъайри класс -Фи? Фиппур? суалар алихьафе.
Iу джалгайис джуьре акье гафар.
Класс инсанар класс инсанарилас гъайри
Баб чlал
Халкь ватан
Хизан дарс
Са кьадаринттарна Фуш? Фи? суаларис джувабар ирцIанттар
Ппара кьадаринттар Фушар? Фиппур? суаларис джувабар ирцIанттар.
Арайил вея ппара кьадаринттар –ар, -бур ахирар хъучихьуна.
Са кьадарин существительное эгера ачухъ дава сесунилди ккиркIвай аячин, гебурихъ ппара кьадаринттариъ –ар, -яр хъучихьая.
Месела: гъил – гъилар, дарс – дарсар, тай – тайяр ва с.дж.
Са кьадарин существительное эгера ачухъ сесунилди ккиркIвай аячин, гебурихъ ппара кьадаринттариъ –бур хъучихьая.
Месела: чакма – чакмабур, даги – дагибур, уста -усттабур ва с.дж.
Са-са гафар ая ппара кьадаринттарис арайил верегуна, асул дегиш вереттар.
Месела: руш – шибер, хал – хулар, чу – ччуччар ва с.дж..
ХIа пай существительныбурин ая Iу кьадар, ая гафар гьемишан са кьадаринттар, месела: дуьнья, тIабиIэт, махлукьат ва с.дж.
Гьеме гафар ппара кьадаринттар акье.
са кьадаринттар ппара кьадаринттар
чlал чlалар
ватан ватанар
баб бабар
халкь халкьар
хизан хизанар
дарс дарсар
Агъул чIалаъ ая 28(къанна муя) падеж. Гебурикес 4(якьуд) кIилин падежар э, аме 24(къанна якьуд) мукьуйин падежар агъафе.
КIилин падежар
1.Именительный (фуш? фи? фушар? фиппур?)
2.Эргативный(гьина? фитти? гьинари? фиппури?)
3.Родительный (гьинан? фиттин? гьинарин? фиппурин?)
4.Дательный (гьинас? фиттис? гьинарис? фиппурис?)
Мукьуйинттар:
Локативныбур (1.-хъ; 2.-л; 3.-к; 4.-кк; 5.-гI; 6.-в(ф); 7.-гь; 8.-ъ)
Исходныбур (1.-хъас; 2.-лас; 3.-кес; 4.-ккес; 5.-гIас;
6.-вас(-фас);7.-гьас; 8.-ас)
Направительныбур (1.-хъди; 2.-лди; 3.-кди; 4.-ккди; 5.-гIди;
6.-вди(-фди); 7.-гьди; 8.-ди)
Эргатив падежин чешна гъушая мукьуйин падежариъ дегиш акьас
И.п. урч
Э.п. урчуна
Р.п. урчунан
Д.п. урчунас
Лок.п. Исх.п. Напр.п.
1. урчунахъ 1. урчунахъ ас 1. урчунахъ ди
2. урчунал 2. урчунал ас 2. урчунал ди
3. урчунак 3. урчунак ес 3. урчунак ди
4. урчунакк 4. урчунакк ес 4. урчунакк ди
5. урчунаI 5. урчунагI ас 5. урчунагI ди
6. урчунав(-ф) 6. урчунавас(-фас) 6. урчунавди(-фди)
7. урчунагь 7. урчунагь ас 7. урчунагь ди
8. урчунаъ 8. урчунаас 8. урчунади
Аттив гафарин падежар.
Чlалан (р.п.), ватанихъ (лок.п. 1с.), бабалас (исх.п. 2с.)
Магьа чвас текст аттликIен существительныбур, падежара агвар акье.
БицIигуна зун ттаккрайиас са иджи атафи. Зун таккрайиас гьел фатучин, гьемишан киркьвайи ишандис. Гьемишан гьелна ттаккра фай гIанаъ адаркай авейи зун, фиттис атагьан агъай.
Ттаккрайиас( Исх.п. 8с.), гьел(И.п.), ишандис(Д.п.), ттаккра(И.п.), гIанаъ( Лок.п. 8с.)
Синтаксисдин роль существительныбурин предложениъ хIа пай вея яра подлежащее, яра дополнение, хъара обстоятельствора.
Месела:
Кулаки (фитти?)(подлеж.) к1илди ибхьер(фиппур?)(дуз дополн.) адвафайшуне.
Дада (гьина?) г1ар(фи?) уцая.
Хуттула(гьина?подл.) х1абабас(гьинас? чап доп.) файдине куче гуни(фи?дуз доп).
Существительныбур предложениъ составной сказуемоейин ттуран пай составиъра гьучархьая .
Месела:
Руша кунар 1уьччуне (стирать). Шиниккви хъуьсси 1уьччуне(умываться). Сказуемое
Агъул чIалаъ существительныбур арайил вея хIа пай гафунин асулдихъ суффиксар хъучихьай э.
Суффиксар: -вел, - хъан, - дар, - кар, - рикI, - рихI, - шуй, - бан, - дан, - суз,
-чи ва с.дж.
Месела: далдам – далдамчи, малар – малархъан, гучI - гучI рихI, гIурч – гIурчабан, чай – чайдан, агъул – агъулшуй, ламус – ламусуз – ламусузвел,
мучI – мучIевел ва с.дж.
III. Цlуьппе акьас цlае дарс:
а. АттликIен существительныбур, кьадарна падежара агвар акье.
Нагагь рагъ афучIуна хаб, ягъра ккиркIвафе.
ЦIа адава усаъ кум верефттава.
Гъилив фае рес тIурар алдий агвафе.
Бахтт кIилле усалас, кIетI музе усалас.
Къизил ругариккесра ягIар верефе.
б. Суффиксарин кумакилди гафар арайил акье
игит –
хIуб –
дукан –
зурна –
Iекв –
Iекьул –
рагъ –
в. ХъитIен ме гафарикес предложенибур.
г. Гьемидегьенттар хьес ягIа ягIархьуне , див хьин гьал са бицIи ахттилат хъитIанасе существительныбур ишлемиш аркьай , «Зе Ватан» темайис.
IV. Дарсун ахир:
1.Фи цIаеф ягIархьуне чвас?
2. Фишттин мрфологияйин ишанар ая существительныбурин агъул чIалаъ?
3. Классарин джуьребур?
4.Кьадарин джуьребур?
5.Агъул чIалан падежар ? Фишттинттар?
Хье миллат уч бицIиф ичира, хьехъра хъая аме халкьарихъ суман Iедатар, тарих, Iелимар, шаирар. Хье миллат уч ккетдархьас хьин джаллабури савусал цIуьппе хьуна кар акьуна кканде, ягIар акьуне кканде, кIвалас гьатуна ккандава учин ватан, тарих миллатин.Чун шиникквари Iешкъуни хъучавей хуруна кканде дарсар. Чвахъ джигьиларихъ умуд хъая халкьдин. ЙиркIвуралас гьамарта бабан чIал, хье Iезиз агъул чIал.
По теме: методические разработки, презентации и конспекты
Конспект урока " Поэты Ставрополья о родном крае и о природе родного края"
Урок знакомит учащихся 6-7 классов с творчеством поэтов Ставропольского края и раскрывает особенности лирических произведений о природе родного края. Урок сопровождается презентацией. К уроку прилагаа...
Конспект урока "Имя существительное как часть речи"
Конспект урока-путешествия "Имя существительное как часть речи" 5 классе по учебнику Львовой. Используется интерактивная доска, раздаточный материал (карта путешествия), цветик-семицветик, индив...
Конспект урока "Имена существительные собственные и нарицательные"
Конспект урока для 5 класса специальных (коррекционных) школ VIII вида, учебник под. редакцией А.К.Аксеновой, Н.Г. Галунчиковой. Тип урока - изучение нового материала....
ПЛАН-КОНСПЕКТ УРОКА "Несклоняемые существительные"
урок с требованиями ФГОС. Был проведён на конкурсе "Учитель Года-2014" г.о. Тольятти...
Конспект урока «ИМЯ СУЩЕСТВИТЕЛЬНОЕ» 7 класс
Обобщить знания учащихся об имени существительном: определение имен существительных, род имен существите...
Конспект урока "Имя существительное. Буквы Е, И в окончаниях существительных" (5 класс)
Конспект урока "Имя существительное. Буквы Е, И в окончаниях существительных" (5 класс)...
Конспект урока в 5 классе по русскому языку на тему: «Как изменяются имена существительные, имена прилагательные и глаголы» (по программе М.М. Разумовской)
Урок в 5 классе по русскому языку на тему: "Как изменяются имена, имена прилагательные и глаголы" (по программе М.М. Разумовской)...