Газиянова Рафига Мухамматовнаның шәхси үсеш планы
материал (5, 6 класс) на тему

Муниципаль бюджет гомумбелем учреждениесе “Татарстан Республикасы Саба муниципаль районы шәһәр тибындагы Байлар Сабасы бистәсе гимназиясе”нең югары категорияле татар теле һәм әдәбияты укытучысы Газиянова Рафига Мөхәммәт  кызының шәхси профессиональ үсеш планы                  (2013-2017 нче уку еллары өчен)

       Укытучы турында белешмә:

 Белеме: югары.

      Казан педагогия училищесы №1, диплом буенча квалификация «Башлангыч сыйныфлар укытучысы һәм озайтылган көн группасы тәрбиячесе». Диплом ИТ № 274428, 1 нче июль,1987 нче ел ,

     Казан дәүләт педагогия институты, диплом буенча квалификация «Татар теле һәм әдәбияты укытучысы». Диплом  ЭВ №293381, 27 нче июнь 1994 нче ел 

    Гомуми педагогик  стаж: 30 ел
    Белгечлеге буенча эш стажы: 23 ел

    Курсларда кайчан һәм нинди проблема буенча укыган: 

1.Приволжский межрегиональный центр повышения квалификации и профессиональной переподготовки работников образования Института психологии и образования ФГАОУ ВО «Казанский (Приволжский) федеральный университет», 2015 г.,108 ч. по программе "Современный урок татарского языка и литературы в аспекте требований ФГОС" , удостоверение

2. ГАОУ дополнительного профессионального образования “Институт развития образования РТ”2015 г.,16 ч. по теме: “Проектирование современного урока в соответствии с требованиями ФГОС

 3.Государственное бюджетное учреждение «Республиканский центр мониторинга качества образования», 2016 г.  36 ч по теме:  «Подготовка экспертов для работы в региональной предметной комиссии при проведении государственной итоговой аттестации по общеобразовательным программам основного и среднего общего образования», сертификат.

 4. ГАОУ ДПО «Институт развития образования Республики Татарстан» 2017 г.40 ч. по программе: «Методические и содержательные особенности деятельности эксперта региональной предметной комиссии при проведении государственной итоговой аттестации», удостоверение.

  5.Государственное автономное образовательное учреждение дополнительного профессионального образования «Институт развития образования Республики Татарстан» 2017 г., 8 ч. по теме: «Планируемые результаты и оценка их достижения в школе по татарскому языку и литературе», сертификат

                                                                Кереш

     Танылган педагог В.А. Сухомлинский болай дип язган: “Шатлык хисе көч куя, тир түгә һәм арыганлыкны тоя белгән кешегә хас. Балачак тоташ бәйрәм генә булырга тиеш түгел. Хезмәт киеренкелеге юк икән, бала өчен хезмәт бәхете дә юк. Шушы олы бәхеттән баланы мәхрүм итмәскә кирәк. Алар яшьтән үк хезмәтнең тәмен тоеп, үзләре эшләгән эшләрнең нәтиҗәсен күреп, горурланып үссеннәр”. Танылган педагогның әлеге киңәшләрен мин үз эшчәнлегемне оештыруда нигез буларак кабул иттем.

       Әйе,без баланы белем алуның тәмен тоярга өйрәтергә тиеш. Хезмәткә уңай мөнәсәбәт - (бу очракта белем алу) кеше тормышында иң әһәмиятле сыйфатларның берсе.

       Мәгариф өлкәсе алдына куелган бурычлар заман узу белән үзгәрә бара. Конкурентлыкка ия булган шәхес тәрбияләү – бүгенге көн укытучысының төп бурычларының бесе.  Компьютерлаштыру тормышыбызга ныграк үтеп кергән саен, укучыларыбызның сөйләм телләре ярлылана, татар әдәби теленә игътибары кими. Татар әдәби теленең нормалары әдәби сөйләмнең нигезендә ята. Билгеле булганча, сөйләм культурасы - кешедә гомуми культураның бер билгесе. Ул үзеннән-узе генә килми, аңа үз сөйләмеңә һәрчак игътибар итү нәтиҗәсендә генә ирешеп була. Бүгенге интернет заманында моңа ирешү авыр.Шуңа күрә әдәби телнең фонетик орфографик, орфоэпик, морфологик, лексик, синтаксик һәм стилистик нормаларын өйрәтү - татар теле укытучысының төп бурычы.

    Укытучы уздырган һәр дәрес,һәр чара укучыларда бүгенге һәм киләчәк тормыш өчен кирәкле эзләнү, тикшеренү, ачышлар ясый белү күнекмәләре формалаштырырга,  яңа заман шартларына яраклы, көндәшлеккә сәләтле шәхес тәрбияләүгә ярдәм итәргә тиеш.

    Ә югарыда әйтелгән шәхес тәрбияләү өчен, укытучы үзе югары мәдәниятле, әхлаклы, намуслы, яңалыкка, белемгә омтылучан, алга карап эш итә торган, һәр эшкә иҗади якын килүчән, ярдәмчел, таләпчән, бер сүз белән әйткәндә, үз эшенең остасы булырга тиеш. Заман белән бергә атлау укытучыдан өзлексез педагогик белем алуны таләп итә. Ә өзлексез педагогик белем мөгаллимнең гомуми мәдәни, социаль-әхлакый, һөнәри юнәлештәге белемнәрен даими тулыландырып торуы ул, ягъни үз белемен күтәрү өстендә эшләве.

     Мәктәпнең методик темасы: «  ФДББС тормышка ашыруда белем бирү сыйфатын күтәрүнең төп шарты буларак, педагогның һөнәри һәм шәхси үсеше белән идарә итү» ( «Управление профессионально-личностным ростом педагога как одно из основных условий обеспечения качества образования в условиях введения ФГОС» )

    Муниципаль бюджет гомумбелем учреждениесе “Татарстан Республикасы Саба муниципаль районы шәһәр тибындагы Байлар Сабасы бистәсе гимназиясе”нең  татар теле һәм әдәбияты укытучылары берләшмәсенең методик темасы : «Яңа федераль белем бирү стандартларына нигезләнеп, татар теле һәм әдәбиятын өйрәнүнең нәтиҗәлелеген күтәрү»

       Белемне күтәрү темасы:  “Яңа федераль белем бирү стандартларына күчү шартларында татар теле һәм әдәбиятын укыту процессы белән эффектив җитәкчелек итү аша, сыйфатлы белем бирүгә ирешү”.

3. Тема өстендә кайчан эш башланган: 01.09.2012

    Кайчан тәмамлау күздә тотыла: 30.12.2017

Максат:

 - Яңа федераль белем бирү стандартларына күчү шартларында татар теле һәм әдәбияты укытуның эчтәлеген яңарту, заманга яраклаштыру.

 - Яңа алым һәм технологияләр кулланып, укыту сыйфатын күтәрү, югары нәтиҗәлелеккә ирешү.

 Бурычлар:

- Балаларның кызыксыну сәләтләрен, иҗади мөмкинлекләрен исәпкә алып, татар телендә грамоталы яза һәм сөйләшә белүче, һөнәр сайлауга әзерлекле, коммуникатив, мәгълүмати-аналитик компетенцияләргә ия булган шәхес формалаштыруны дәвам итү.

- Чыгарылыш сыйныф укучыларын уку йортларына керергә тагын да нәтиҗәлерәк итеп әзерләү.

 - Белем сыйфатын бәяләүдә тестлар белән эшләүне активлаштыру, кызыксындыру чараларын булдыру.

- Укучыларны фәнни-тикшеренү эшләренә җәлеп итүне активлаштыру.

- Тирән һәм күпкырлы белемгә ия булу, шул белемне иҗади куллана белү.

- Яңа технологияләр кулланып, фәнни тикшеренүләр, педагогик тәҗрибәләр алып бару.

- Һөнәри һәм шәхси сыйфатларны үстерү, профессиональлекне арттыру.

- Уку эшчәнлеген бала үсешенең мөһим дәрәҗәсен искә алып оештыру.

- Укучының үсешен тәэмин итү, табигый көчен гамәлгә ашыру.

- Шәхси үзенчәлекләрен һәм шәхси сәләтен искә алып, укучыда гомуми уку күнекмәләре формалаштыруга һәм сөйләм телен үстерүгә аеруча нык игътибар бирү.

- Яңа заман шартларына яраклы, көндәшлеккә сәләтле шәхес тәрбияләү.

                       Шәхси профессиональ үсеш планы