Урок-игра по теме: "Варман"
план-конспект урока

Федотова Светлана Николаевна,

 Шупашкар хулин «Пĕтĕмĕшле пĕлÿ

 паракан 24-мĕш вăтам шкул»

 чăваш чĕлхи вĕрентекен

Урок теми: «Вăрман» темăпа 4-мĕш класра ирттерекен вăйă-урок.

Тĕллевсем: 1) палăртнă темăпа вĕреннĕ материала аса илсе çирĕплетесси;

2) тĕрлĕ хăнăхтарусем урлă илнĕ пĕлĕве ăша хывасси;

3) тăван тавралăха юратма, унăн  илемне курма, ăна упрама вĕрентесси.

Урока кирлĕ хатĕрсем: «Вăрман», «Йывăçсем» çинчен презентации, картăчкăсем;

Вăйă юхăмĕ.

1-мĕш конкурс.

Ертсе пыраканĕ: Ырă кун пултăр! Паянхи уявра эпир «Вăрман» темăпа конкурс ирттеретпĕр. Вăрман ‒ пирĕн пуянлăх. Вăрман чĕр чунсене, кайăк-кĕшĕке те тăрантарать. Кайăксем хурт- кăпшанкă çиеççĕ, йывăçсене сыхлаççĕ. Йывăçсем вĕсем валли çимĕç тăваççĕ. Чăваш вăрманĕсенче мĕнле йывăçсем ÿснине аса илетпĕр. Сирĕн йывăç ячĕсене тупса вырăсла куçармалла. 

2-мĕш конкурс

Ертсе пыраканĕ: Йывăçсем сывлăша тасатаççĕ. Кайăксемпе чĕр чунсем валли хÿтлĕх. Çуллахи шăрăхра çынсем йывăç сулхăнĕнче канаççĕ, вăрманта уçăлса çÿреççĕ. Сирĕн çак сăмахсене шухăшĕ тăрăх çыхăнтармалла.

Йĕкел                                       кăрăç

Мăйăр                                      юман

   Çырла                                      вăрман

   Кăмпа                                      шĕшкĕ

   Йывăç                                      пилеш

3-мĕш конкурс.

Ертсе пыраканĕ: Вăрман çынсене хăйĕн илемĕпе савăнтарать, таса сывлашĕпе кăмăла çĕклет, сывлăха çирĕплетет. Мĕн чухлĕ кăмпа, çырла, эмел курăкĕ парнелет пире вăрман!Сире валли клоуз- тест хатĕрленĕ. Сирĕн пурнăçламалла.

4-мĕш конкурс.

Ертсе пыраканĕ: Юман çирĕп, çÿллĕ те мăнаçлă йывăç. Вăл нумай çул хушши ÿсет, пин çул таран пурăнать. Юманран мĕн-мĕн тăваççĕ? ыйтуллă «Хĕвел» кластер туса доска умĕнче çырса хумалла.

Ертсе пыраканĕ: Халĕ кăшт канса илĕпĕр. «Вăрман» темăпа çыхăннă сăмахсене калатăп. Çырла ячĕсене илтсен сирĕн алăсене çÿлелле çĕклемелле, йывăç ячĕсене илтсен – алă çупмалла.( Сăмахсен тĕслĕхĕ: юман, хăмла çырли, пилеш, шăнкăрч, хура çырла , ула такка, шăпчăк, хурăн çырли, чăрăш, çĕр çырли, ăвăс, çерçи, палан, хурлăхан, хурăн.)

5-мĕш конкурс.

Ертсе пыраканĕ: Вăрман çынсене хăйĕн илемĕпе савăнтарать, таса сывлашĕпе кăмăла çĕклет, нумай усă парать.Сирĕн умăнта ăвăс йывăçĕ. Сирĕн тĕрĕс хуравсене суйласа илмелле.

6-мĕш конкурс.

Ертсе пыраканĕ: Халĕ вăрман çинчен каланине пĕтĕмлететпĕр. Çак схемăпа усă курса синквейн çыратпăр.

Ертсе пыраканĕ: Вăрман – пирĕн пурлăх, пирĕн ырлăх. Пирĕн ăна упрамалла, сыхламалла. Вăрманта мĕнле тытмалли çинчен манса каймалла мар.

Урока пĕтĕмлетни, ачасен ĕçне хаклани.