Темэр: Щы1эц1э.

Мурадыр:  Щы1эц1эм теухуауэ еджак1уэхэм ящ1эр къегъэпщытэжын, зэщ1егъэкъуэжын.

Задачэхэр:

- жьэры1уатэ, тхыгъэ лэжьыгъэ ягъэзащ1эк1эрэ щы1эц1эм теухуауэ ящ1эм и куэдагъыр, ар я бзэм къызэрыщагъэсэбэпыфыр къэхытэн, адыгэбзэ грамматикэмрэ урысыбзэ грамматикэмрэ щы1эц1эр щызэгъэпщэфынымк1э я1э щ1эныгъэр егъэубыдыл1эн;

- адыгэбзэм и пщ1эр, и мыхьэнэр нэхъ куу щ1ын;

- щы1эц1эм и лексикэ-грамматическэ категориехэмк1э я1э щ1эныгъэм хэгъэхъуэн;

Оборудованиер: справочнэ материал, слайдовэ презентацэ

Урокым и л1эужьыгъуэр: урок-исследованиещ.

                                Урокым и ек1уэк1ык1эр.

Щ1эныгъэ къэхутэныгъэ.

Психологическэ зэтеухуэныгъэ.

Псоми сэлам фызох! Ди урокыр щ1эддзэнщ псалъэ зырызк1э-сытк1э фехъуэхъуэхъунт, сыт хуэдэ псалъэ хуэвгъэфэщэнт ф1ыуэ флъагъу ц1ыхухэм?- ф1ыгъуэ, насып, узыншагъэ, мылъку, еф1эк1уэныгъэ, зэгуры1уэныгъэ, н. Мы псалъэхэм упщ1э яхуэвгъэувыт (сыт?)

Сыт хуэдэ псалъэхэра мы упщ1эм жэуап хуэхъур? (щы1эц1э-существительное).  

 Япэ этап. 

Псоми фи пащхьэм таблицэ илъщ. Щыгъуазэ зыфщ1 таблицэм итым.

Иджы таблицэм делэжьынущ, дызэлэжьынури 1, 2-нэ колонкэхэращ. Сэ упщ1э фызот, зи жэуап фщ1эхэр зэрыфтхапхъэм деж ифтхэн хуейщ.

Упщ1эхэр:

• Щы1эц1эхэм дауэ захъуэжрэ?
• Щы1эц1эм падежу дапщэ и1э?
• Сыт щы1эц1эм къигъэлъагъуэр?
• Сыт хуэдэ щы1эц1э л1эужьыгъуэ щы1эхэр?
• Адыгэбзэм урысыбзэм и1эу, сыт хуэдэ категорие имы1эр
• Сыт склонениек1э дызэджэр?
• Склоненэу дапщэ и1э щы1эц1эм?
• Сыт хуэдэ пкъыгъуэу хэувэрэ щы1эц1эп псалъэухам?
• Щы1эц1эр дауэ къызэрыхъур?

Ет1уанэ этап.

Сыт  “ Щы1эц1э” псалъэ лъэпкъыгъуэк1э дызэджэр? 

Фи таблицэм ифтхам ипкъ итк1э жэуап нэгъэса къызэфт (жэуапхэр).

«Щы1эц1эм предмет къегъэлъагъуэ»  жыф1ащ иджыпсту. Ар грамматическэк1эщ. Ауэ гъащ1эр грамматикэк1э иухкъым. Нэхъ убгъуауэ дытевгъэпсэлъыхьыт щы1эц1эм, предмет нэмыщ1, къигъэлъагъуэм. Ар епхащ адэк1э зи гугъу тщ1ыну этапым.

Ещанэ этап.

1уащхьэмахуэ, Индыл, Шыхулъагъуэ, шы, лъагъуэ, уэнжакъ, тъылъ, щ1акхъуэ (псалъэхэр доскам кърегъэтхэн)

Сыт мы псалъэхэр языныкъуэр хьэрфышхуэк1э къегъэжьауэ, адрейхэр хьэрф ц1ык1ук1э къегъэжьауэ щ1эттхар? Жэуапхэр-Щы1эц1эр унейрэ зэдайуэ зэщхьэщок1 (существительные бывают собственными и нарицательными).

Сыт фэ фщ1эр ц1э уней-зэдаим теухуауэ? (собственные и нарицательные имена существительные)

Ц1э унейм хохьэ:

1) Ц1эр, унэц1эр, адэц1эр. 

2) Псэущхьэхэм зэреджэр.

 3) Псысэ литературнэ персонажхэм.

4) Географическэ и астрономическэ ф1эщыгъэц1эхэм.

5) Учреждениехэм, печатнэ изданиехэм, литературнэ тхыгъэхэм, н.

Ц1э зэдайхэм л1эужьыгъуэ зыбжанэ я1эщ.

Епл1анэ этап.

Ц1ыху-адрей псори (категория одушевленности и неодушевленности).

Зы псалъэ лъэпкъыгъуэм щхьэ упщ1ит1 хуэдгъэув хъурэ?

Щы1эц1эр егуэш ц1ыхур, абы и 1эщ1агъэр къэзыгъэлъагъуэ щы1эц1эрэ (хэт?) адрей псори къэзыгъэлъагъуэ щы1эц1эу (сыт?) Урысыбзэм-псэ зы1утрэ зы1умытрэ- одушевленные и неодушевленные кто? что? Неодушевленные отвечают на вопрос что? и обозначают предметы, явления, события и т.д., которые нельзя причислить к живым существам, одушевленные существительные отвечают на вопрос что? и показывают все живые существа.

Псалъэм папщ1э: унэ, щхьэ, сабий, егъэджак1уэ, дохутыр, бажэ, хьэ, гуащэ

Мы псалъэхэм упщ1э яхуэвгъэув:

урысыбзэк1э                                                              адыгэбзэк1э

Дом-что?                                                                      Унэ-сыт?

Голова-что?                                                                  Щхьэ-сыт?                                                                

Ребенок-кто?                                                                Сабий-хэт?

Доктор-кто?                                                                  Дохутыр-хэт?

Лиса-кто?                                                                      Бажэ-сыт?

Собака-кто?                                                                  Хьэ-сыт?

Кукла-кто?                                                                    Къупщхьэгуащэ-сыт?

Етхуанэ этап. 

Категория рода. Мыпхуэдэ категорие урысыбзэм и1эщ. Женский, мужской, средний. Адыгэбзэм и1эу п1эрэ апхуэдэ категорие? (Хьэуэ, и1экъым).

 Еханэ этап.

Падеж категориер.

Адыгэбзэм щы1эц1эхэр падежк1э зэхъуэк1а мэхъу. Ди бзэм падежу 4 и1эщ:

Именительнэ падеж-р

Эргативнэ падеж-м

Послеложгэ падеж-мк1э

Обстоятельственнэ падеж-рауэ

Адыгэбзэм именительнэ падежым ит псалъи, эргативнэ падежым ит псалъи подлежащэуи, дополненэуи къэк1уэнк1э хъунущ.

П.п: Анэм къуэм письмо хуитхащ-подлежащэри, дополненэри эргативнэ падежым иту къок1уэ. Дауэ къызэрытщ1энур подлежащэр сыт хуэдэ псалъэр арами?-Подлежащэр ипэ идогъэувэ.

Урысыбзэм дауэ п1эрэ зэрыщытыр мы категориер?

Урысыбзэм падежу хы и1эщ. (Ахэр кърабжэк1, щапхъэ къахь). Урысыбзэм именительнэ падежым ит псалъэ ф1эк1а зэи подлежащэу къак1уэкъым. Адрейхэм зэреджэр косвеннэ падежщ, ик1и дополненэр косвеннэ падежхэм иту ф1эк1а къэк1уэнукъым.

Псоми псалъэ зырыз падежк1э зыдохъуэк1.

Ебланэ  этап.

 Щы1эц1эм и склоненэ (Склонение имен существительных).

Урысыбзэм щы1эц1эм склоненэу дапщэ и1э? (Система склонения имен существительных. Тип склонения зависит от рода и окончания).

1-е склонение

2-е склонение

3-е склонение

Адыгэбзэм-щэ?

Склоненэу 2 и1эщ. Сыт хуэдэ ахэр?

(Жэуапхэр)

Склоненэм и лесическэ мыхьэнэр сыт хуэдэ?-Белджылагъ хелъхьэ зи гугъу ящ1 1уэхугъуэм. Щапхъэ: 

Сэ тхылъ къэсщэхуащ (терадкъым, ручкэкъым-тхылъщ)

Сэ тхылъыр къэсщэхуащ. (Тхылъ пыухык1а гуэр, ипэк1э зи гугъу тщ1а.)

Еяанэ этап

Щы1эц1эм бжыгъэк1э  зэрызихъуэжыр.

Ебгъуанэ этап

Щы1эц1эм и синтаксическэ мыхьэнэр.

Мы псалъэухар п/у и пкъыгъуэк1э зэпкърыфх ик1и къэфхутэ, сыт хуэдэ пкъыгъуэхэр щы1эц1эу къэк1уа.

Лъагэу зызы1эт кхъухьлъатэм криху бахъэ 1увыр уафэ къащхъуэм к1апсэшхуэу щеукъуэдий (доскам щолажьэ)

Синтаксическэ мыхьэнэхэр: подлежащэ, дополненэ, обстоятельствэ +

Егъ.: Адэк1э, щы1эц1эр зэрызэпкърытхам теухуауэ, мыпхуэдэ зэрызэрагъапщэ таблицэ к1эщ1 тщ1ы хъунущ:

Егъэджак1уэм урокым теухуауэ и к1эух псалъэр.

 Нобэ дэ 1ыхьэ псори къызэщ1иубыдэу убгъуауэ къэтпщытэжащ щы1эц1э псалъэ лъэпкъыгъуэр.

Иджы урокым и к1уэц1к1э фызэлэжьа таблицэм итым ипкъ итк1э къызжеф1эт:

1. Сэ урокым щ1эуэ къыщысщ1ащ…
2. Сэ нобэ урокым зыщезгъэсащ…
3. Сэ къызэхъул1ащ…
4. Сэ гугъу къысщыхъуащ

Урокым к1э етын:

1. Оценкэ яхуэгъэувын.

2. Унэ лэжьыгъэ етын:

а)  Щы1эц1э зэмыл1эужьыгъуэу 10 я грамматическэ категориехэр къэхутэн -падежыр, склоненэр, бжыгъэр, уней-зэдайр, ц1ыху-адрей псори, лексико-грамматическэ разрядхэр.

б) Зы псалъэуха фтхыи абы хэт щы1эц1эхэм я синтаксическэ мыхьэнэр убзыхун.