Городской литературно-поэтический конкурс "Кыа. Заря"
Ученики 3-го класса показали инсценировку рассказа Ивана Коданева "Нянь" (к 100-летию со дня рождения писателя). Так же,с этой инсценировкой выступили перед учениками первого класса.
Скачать:
Предварительный просмотр:
Коданёв
Иван Васильевич
(10.11.1916-15.09.1982)
Предварительный просмотр:
Городской литературно-поэтический конкурс «Кыа.Заря»
Сценарий
Таво Иван Коданёвлы тырис чужӧмсяньыс сё во. Сійӧ гижис мойдъяс, висьтъяс, серпасъяс вӧр-ва да йӧз йылысь.
Висьт «Нянь»
Аэропортын уна йӧз. Пызан дорын , чемодан вылын куткырвидзис Изосим дед, сьӧд пася, сьӧд тошка, визув синъяса, сирӧд мыр кодь ён старик. Дедкӧд орччӧн гиргӧны-сералӧны кык том морт. Восьтыласны ыджыд чемодансӧ, вундыштасны калбас тор, нянь тупӧсьысь шӧрыштасны вӧсньыдик шӧрӧм, и бара гӧрдлӧны. Кор том йӧзлӧн сёйсис, ӧтиыс чышкыштіс госӧсь кисӧ векньыдик кокпома гачас, мӧдыс босьтіс нянь тупӧсьсӧ, видзӧдліс гӧгӧр, сэсся ылісянь шыбитіс пельӧсын сулалысь ёг чукӧртан ящикӧ. Нянь тупӧсь кучкысис ящик дорас, чеччыштіс вывлань, сэсся надзӧникӧн уси пытшкас.
Дед скӧра видзӧдліс том йӧзлань:
- Ті нӧ мый нянь вылас смекайтчанныд?
- Кыдзи смекайтчам? – кузь зон пыдди шыасис векни гача ёртыс.
- Сэні ӧмӧй няньыслӧн местаыс? – дед индіс ящик вылас.
- Кынӧмыд кӧ сюмалӧ, колі висьтавны, сетім эськӧ. Не нуны жӧ сійӧс гортӧдз.
- А ті тӧданныд, кыдзи няньсӧ быдтӧны?
- Эн шогсьы, дед, няньыд миян сы мында, став мирсӧ вермам вердны, - кыліс збодер воча кыв.
- Эк тэ, гормӧг, тӧлкыд абу. Сы вылӧ ӧмӧй быдтӧны няньсӧ, медым шыблавны ёг пытшкӧ.
- Мун ӧні жӧ лэпты, - дед сотыштіс синъяснас няньӧн шыбласьысьясӧс.
- Кодлы колӧ, мед лэптӧны,- пинь пырыс сӧдзӧдіс кузь зон.
Дед мыйкӧ кӧсйис шуны, но дежурнӧйлӧн гӧлӧсыс торкис сійӧс:
- Зимстанӧ мунысьясӧс корам пуксьыны самолётӧ!..
Том зонъяс босьтісны чемодансӧ да мӧдісны ӧдзӧслань.
Дед воськовтіс ящик дорӧ, лэптіс сэтысь джынъялӧм нянь тупӧсьсӧ, чышкалыштіс сы вылысь буссӧ да надзӧникӧн пуктіс пызан вылӧ.
И быдӧнлӧн сьӧлӧм вылас лои лӧсьыдджык.
(нужны стол, 3 стула, урна)