Чăваш чĕлхи.
Опубликовано 04.04.2018 - 15:09 - Васильева Светлана Германовна
Предварительный просмотр:
Чăваш чĕлхи
Чăваш чĕлхи… Мĕн вăл чăвашшăн?
Тăванăм, эсĕ шутласам,
Тăван чĕлхемĕр çухалсассăн,
Чăваш кам пулĕ, каласам?
Чăваш чĕлхи вăл - ман ачалăх,
Янравлă юрă-кĕвĕсем,
Вăл манăн çамрăклăх, асамлăх,
Атте-аннен халалĕсем.
Чăваш чĕлхи, эсĕ пуянлăх!
Сана упранă ĕлĕкрен,
Сана юратнă тăван халăх,
Тăван чĕлхемĕр пулнирен.
Чĕлхемĕр пур, пур(ă)нать, пулать те,
Вăл халăхшăн чĕрĕ ялан:
Унпа калаçнă, калаçать те
Атте, анне, пур тус-тăван!
Ан манăр чĕлхене нихçан та,
Чи хаклă мул пекех упрар.
Саманасем тек улшăнсан та,
Унпах малашлăха утар!
Эй, авлхи несĕл сассийĕ,
Янра яш-кĕрĕм сассинче!
Чăваш сасси – тăван сассийĕ,
Санпа илемлĕрех тĕнче!
С. Васильева - Тельмова
2018 ç., ака уйăхĕн 2-мĕшĕ