Энем белән икебез

                                                  Энем белән икебез

Энем белән урамда

        Туп тибешле уйныйбыз.

        Ул тибә дә, мин тибәм -

    Чыдасын гына чирәм.

            Әни әйтә: “Туп тибәм дип,

                                                  Тәрәзәне ватмагыз.

Әтиегез кайтышка

     Эшләр ясап ятмагыз”.

     Энем тибә, мин тибәм
     Чабабыз туп артыннан.

       Әллә нинди зур гына эт

      Чыкты урам чатыннан.

    Энем чаба, мин чабам

    Туп кайгысы калмады.

            Таныш түгел эттән куркып,

  Туп янына бармадым.

            Ничек килгән булса, шулай
Китеп барды этебез.

         Һаман шунда туп тибәбез

                                                 Энем белән икебез.

Наилә Рәхмәтуллина