Театр для детей

ДУО МКОУ «СОШ» с.п. Шордаково

Театрализованная деятельность

«ЛИСИЧКИНЫ ПОТЕШКИ»

среди детей дошкольного возраста

Воспитатели : Зухова Н.Т.

Татарканова Л.М.

Музыкальный руководитель:

Долова Р.М.

Хэтхэр:

Къуанщ1э

Аслъэн

Дыгъужь

Мыщэ

Бажэ нанэ

Бажэ шырхэр

Къуанщ1э: Хьэблэ махуэ хъун, фыкъэда1уэ. Фыкъэда1уэ ,хьэблэ махуэ хъун. Бажэ нанэ и пхъурылъху ц1ык1ухэр и хьэщ1эщ. Губзыгъагъэу , 1ущагъыу, намысу анэш нанэ ахэр зыхуигъэсар фигъэлъэгъуну аращ. Бажэм нобэ фыхуеблэгъэну къывэлъэ1ужащ.

Хьэк1экхъуэк1эхэ: Уэлэхьи , дынэк1уэнмэ, зыхущ1эдгъэхьэнмэ.

Бажэ нанэ : Ат1э, си шыр ц1ык1ухэ фэ фызэфэну псыр къэжэн щ1идзэ къудейуэ аращ, нышэдибэ вжес1ахэр зыщывмыгъэгъупщэ. Ахэм щыщу сыт фэ зыхэфлъхьахэр?

Бажэ шыр 1 : Сэ къызгур1уащ ,нанэ, псом нэхърэ нэхъ къарур  зэрыакъылыр.

Бажэ шыр 2: Пэжщ, зи 1уэ ит нэхърэ, зи щхьэ ит.

Бажэ шыр 3 :  Сэ къызгуры1уащ , нанэ , зэзэмызэ мыхъуу , сыт щыгъуи акъыл къызэрыгъэсэбэпын хуейр. Аращ щ1ыжа1эр  «Акъылрэ щ1эныгъэрэ уасэншэщи, гъэсэныгъэмрэ зыужьыныгъэмрэ гъунэншэщ.

Бажэ шыр 1: Ныт1э, нанэ, сэ къызэрызгур1уамк1э, бажэхэр псом нэхърэ нэхъ губзыгъэщ. Ахэр зэи щыуэркъым , зыми къагъэпц1эфыркъым , ара нанэ? 

Бажэ нанэ: Хьэуэ, си шыр ц1ык1ухэ: 1эджэри дыщыуащ. Куэдри дыкъагъэпц1ащ. Фэ зыми жевмы1эж сэ хъыбар зи1э псалъэжьит1  бажэхэм ятеухуауэ вжес1энщ.

Мыр къызыщыщ1ар си адэшхуэращ. «Бррржьей щхьэ жызмы1арэт».

Ещак1уэурэ бажэжь ц1ык1ум зы ныбгъуэ къиубыдат.

- Сошхри сошх, ауэ сыщыпшх махуэр къызже1э,- жи1эри ныбгъуэ ц1ык1ур бажэм  елъэ1уащ.

- Бэрэжьей! – щыжи1эм «Тррр» жи1эу ныбгъуэр лъатэжащ.

- «Бррржьей «щхьэ жызмы1арэт !- жи1эри Бажэм и дзэр зэтрикъузащ.

Бажэ шырхэм :  А ныбгъуэм и ц1ык1уагъымрэ и бзаджагъымрэ  еплъыт. Ит1ани дэ дыбзаджэу жа1эр.

Бажэ нанэ:  Мыдрейр жызы1эжар си анэращ. «Ди фэхэр бэзэрым щызэхуэзэжынщ».

Бажэ анэжьым и шыр ц1ык1ухэр и гъусэу  щак1уэхэм яхуурэ гъуэгущхьиблыр щызэхэк1ым щынэсым:

- Щхьэж и занщ1эк1э фызэбгырыж !- къыджи1ащ ди  анэм.

- Дэнэ дыщызэхуэзэжын, ди анэ ? – жыт1эу дыщеупщ1ым.

- Ди фэр бэзэрым щызэхуэзэжынщ,- къыджи1эри дигу ф1ы ищ1ыжащ.

Бажэ шырхэр : сыту хъыбар дахащэ  къыджеп1ыжа ,нанэ

Къуанщ1э (хьэщ1эхэр къоблагъэр).    Хъуромэ макъ къо1у

Уо хъуромэ,хъуромэ

Уо-уо

Уэ хъуромэ токъу

Уо – уо

Токъмакъ зи 1эщэ

Уо – уо

Зи 1эщэрилэ

Уо – уо

Елэн къэгъэши

Уо – уо

Хъан  и губгъуэ дивгъыхьэ

Уо – уо

Девгъэджэгуажьэ

Уо – уо

Бажэ нанэ  Хьэщ1эхэр къэсащ, фык1уи ахэр къевгъэблагъэ.

Бажэ шырхэр : Фыкъеблагъэ, ди хьэщ1эт лъап1эхэ,фыкъэт1ыс

                                                          (Хьэщ1эхэр  мэт1ыс)

Мыщэ :Бажэу си шыпхъужь

Гъатхэ къэхъурэ

Уафэр щхъуант1э

Джэдхэр къакъэу

Къуртхэр гъуалъхьэу

Кърашхэм фахэмыну

И бын,и быныжк1э тхьэм куэдрэ фигъэпсоу. 

Бажэ нанэ :Жьыщхьэмахуэ ухъу, мыщэ 

Мыщэ: Дэ укъыщ1ыдэджари къыдгур1уащ,уи шыр ц1ык1ухэми тыгъэ къахуэтхьащ.Мы си бэлтокум к1уэц1ыз псынщ1эрыпсалъэ къыфхуэсхьащи зэвгъащ1э,абыхэм ящыщ вжес1энущи,жыф1эжыфыну  п1эрэ?

Бажэ шырхэр:Ныт1э,Мыщэ,къыдже1эт.

Мыщэ:     Пыжь пызу  пыту иту жыг.

Мыщэ: Иджыри зы вжес1ыжынщ,жыф1эжыт.

   Щак1уэ щ1акъуэм щ1ак1уэ щ1агъым щ1ахъуэ ныкъуэ щ1элъу ехь. 

Бажэ нанэ :1ейуэ сэбэп укъытхуэхъуащ ,Мыщэжь,къак1уэ къыдыхьи  къэт1ыс, удихьэщ1э  лъап1эщ. 

Дыгъужь : Сэри чысэ къыфхуэсхьащ. Абы илъхэм щыщ  зы къуэжыхьи вжызо1эри,къафщ1э

Бажэ шырхэр:  къыдже1эт ,Дыгъужьыжь. 

Дыгъужь: Вагъуэм зэпымыууэ  пшэ къытрелъафэ  трелъэфыж.

Бажэ нанэ :Къыфхуэщ1эну п1эрэ,си шыр ц1ык1ухэ?

Бажэ шыр 1: Сыт вагъуэм ирагъэщхьыр?

Бажэ шыр 2:Ааа,нэ,нэ  дахэр  вагъуэм ирагъэщхь.

Бажэ шыр 3: Ныт1э ,вагъуэр нэуэ щытмэ, пшэр нап1эщ.

Дыгъужь : Пэж дыдэщ, къэфщ1ащ.

Бажэ шыр 3: Чысэм идмылъхьауэ дэри зы къуажыхь ди1эщи  къэфщ1эн?

Дыгъужь :  жы1эт т1у. уэлэхьи къэтщ1энмэ.

Бажэ шыр 3:  гъудэ щхьэлажьэу , къилэжьыр къызы1ах.

Дыгъужь : 1эу,къысхуэщ1эркъым

Бажэ шыр 1: къыпхуэмыщ1эмэ къуажэ къыдэт ,Тхьэмадэ.

Дыгъужь :  Мэзкуу фызот.

Бажэ шыр 2: Мэзкуу ф1ыгъуэу дэлъыр къэзышх. Гъудэ щхьэлажьэу , къилэжьыр къызы1ахыр «Бжьэщ».

Бажэ нанэ :  Упсо Дыгъужьыжь, жьыщхьэмахуэ ухъу, узихьэщ1элъап1эщи къыдыхьэ, къэт1ыс.

Аслъэн : Сэ си матэм илъу джэгук1э къыфхуэсхьащи, фыкъыздэджэгуну бажэ шырхэ?

Бажэ шырхэ :  Ныт1э- ныт1э, тф1эф1ейщ джэгуныр.

Аслъэн :  Ат1э  , дызэрыджэгуну джэгук1эм и ц1эр «Пы1э къуэдзэщ». Зэрыджэгури вжес1энщ. Псом япэ къебжэк1к1э къыхыдох джэгуак1уэр. Ак1э хъурейуэ джэгунухэр мэт1ысри, я нэхэр зэтырап1эр.  Къебжэк1к1э хаха джэгуак1уэр хъуреягък1э къик1ухьурэ пы1эр зыхуейм к1эщ1елъхьэр, мэкъамэр къэувы1эмэ псори зо1эбэк1ри, пы1эр  зык1эщ1элъыр  щ1опхъуэри джэгуак1уэр къеубыд. Пы1эр зык1эщ1элъам и т1ысып1э нэщ1 хъуам мэт1ысри, адрейр джэгуак1уэ мэхъу. Ныт1э иджы   къебжэк1к1э джэгуак1уэр къыхэдвгъэх.

   Инэ , инэ, инэ коп

Коп задэ , задэмыщ1э

 Къапщ1ий лъэбыдэ

 Бадий, чыщт.

   ( Джэгук1эм 3 мэджэгу)

Къуанщ1эм: Ныт1э джэгу т1эк1у тщ1ынукъэ?

Бажэ нанэ: Алыхь тщ1ынум, къэфэнухэр фыкъэув

                                    Джэгу

Бажэ нанэ: Сыту ф1ыуэ фыкъысхуэк1уат. Си пхъурылъху ц1ык1ухэр вгъэгуф1ащ, вгъэджэгуащ, губзыгъагъэ куэди къевгъэщ1ащ.

  Псоми: Фи махуэ ф1ыдыдэ ухъу.