Разное

Дәү әнигә күчтәнәч.

1. Тутырдык без тартмага,

Өрек, йөзем, алманы.

Салдык чәй дә, конфет та

Буш урыннар калмады.

2. Әй, сөенер дәү әни,

Килеп төшкәч күчтәнәч

Кызык булыр ул аңа,

Алдан белеп көтмәгәч.

Минем әби.

1. Әбием күзлек кия,

Чәчләренә ак кунган

Бер көндә соңга калмый

Иртүк тора йокыдан.

            Кушымта: Әбекәй, алтыным,

                               Минем иң якыным.

                               Яратам, яратам

                               Мин аны!

2. Ул мине дә үстергән,

Апамны да пәп иткән.

Ул хәзер пәп иттерми,

Апаем буйга җиткән.

            Кушымта.