Татар халык уеннары

Татар халык уеннары.

Татар  халык  уены «Зәлидә»

Кешелекнең  үзе  шикелле  үк,

Борынгыдан  килә  бәйрәмнәр.

Шатлыкларын  бәйрәм  итә кеше

Бәйрәмнәрдә  олы  ямьнәр  бар.

              “Зәлидәгә”  тәүге  тапкыр

               Чыктык  бергә  уенга.

               Уңганмы  сез, зирәкме  сез

               Сыналырсыз  җыр – моңда.

Көч  бирегез, алкышсагыз

Хәер – фатиха  сездән.

Милли  Зәлидә  бәйгесе

Җиңүче  көтә  сездән.

       Без  сезгә  татар  халкының  милли  хәзинәләреннән  булган “Зәлидә”  уенын  тәкъдим  итәбез. Уенда  7  кеше  катнаша. Һәр  уен  саен  бер  уенчы  төшеп  кала. Иң  соңыннан  калган  кеше  җиңүче  булып  кала.

1.“Капкалы”  уены.

Ефәк  җепләр  белән  сөлге  чиктем

Уртасында  чәчәк, гөл  генә.

Капкалыда  урталарда  калган

Кызыбызда  безнең  бер  генә.

Сорау: Татарстан  гербында  нәрсә  сурәтләнгән?(Ак  барс)

2.”Тукмаклы”  уены.

Игътибар  белән  тыңлагыз

“Тукмаклы”  уйнатабыз.

Бирем  кемгә  икәнлекне

Тукмактан  сайлатабыз.

Сорау:

Кем  укуда  иң  оста

Китап  дәфтәре  чиста.

Ул  баламы , ул  бала-

...   дип  атала.(эзтабар)

3. “Кәләпүшле” уены.

Киңәшем  шул : сынатма

Бул  син  син  уенда  өлгер.

Башындагы  кәләпүшне

Күршеңә  биреп  өлгер.

4.”Кулъяулыклы”  уены.

Чираттагы  уеныбыз

Кулъяулыклы  Зәлидә.

Кулъяулыкка  ия  булсаң,

Җиңелмәссең  бәйгедә.

 Хәзер  3 кулъяулык  ташлыйм. Көй  бетүгә  кулъяулыкны  алырга  тырышыгыз. Кемгә  кулъяулык  калмый, шул  уеннан  чыга.