Лежневка кись

МБОУ «Мордовско-Козловскяй средняй общеобразовательнай школась»

Атюрьевскяй муниципальнай районць

Азкс

«Лежневка кись»

Сёрмадозе 11 –це классонь тонафнись

Мишина Альбина

2016-2017 к.

Аш стама ломань, конац аф кельгсы вири якаманц. Монга бабзень мархта якан кстыс-пангс. Бабазе сявондсамань тума налть фталга, аф кели яннява.Тя яннясь шары пефтома седнянди, бъта кие-бди шочконяста латсезе.

Мон кизефтине бабазень, мес тяфта тиф кинясь и кие сонь тиезе?

Бабазе ушедсь азондома, кода нинге сонь щаванза – бабанза няендезь тя кить тиеманц.

Сон васенда келиель, крайганза вирсь керсефоль. Тя керсеф шуфттнень эзда строяфоль Явазу молемс ки. А тиезь сонь комозце лагерень ащихне.

Тят политзаключеннайхть, ежудонга ежу ломатть, конат тяза пантьфтольхть сталинскяй репресиятнень пингста, маластонь и ичкоздень аймакнень  эзда. Озафтфтольхть и тя вача пинкнень пингста работасть , тисть кить эса, путнемок сембе вийснон.

 Сире бабазе азонкшнезе: «Сърхкатама вири ,сяфтяма мархтонк ярхцамбяльня: модамарьнят, кшиня,кинь-мезец ули, хоть эста сембонди ашезь сатне ярхцамась, ульсь вачаши. Минь аф няемга ваныхнень эзда путнеськ канксоньконь кодамовок шуфтоня алу, и судендаф ломаттне синь мушендозь и сивондезь.»

 Кемотне кирдсть и строясть .Сяда лафчне сярятькснесть и кулсесть. Кулофнень калмосезь тозк, аф аф ичкози, путнемок крез вастс кафта шуваня мандонят.

Пяк стакаль тиемац тя кить, шочконятне латсематольхть фкя серьса: конанц алоц сяда сериста шувомаль, конанц сяда алняста, а васенда урядаматольхть шуфттнень ункссна.

Кить тяфтак и лемдезь Лежневка, эста сияне усксесть керф вирть эса. Мъзяра киза ни ётась , а тячиень шис содави ся яннясь, кона лядсь оцю кить эзда, коса-коса кить кувалма повондыхть латсеф шочконятне . Ялга якайда тяни пяк кържа и кадовсь прокс тя кинясь , тяйнялгодсь ушедсть касома эзганза шуфтонят и курок сон ёфси юмай, юкстави, кода юмась лагерть вастоц.

Аньцек акше ронга келуфне, конат кассть тя аймакти ванфтсазь тяза калмаф ломаттнень  сетьмошиснон, хоть и калмонятне кунара ни ронандасть, изь ляда фкявок марня.

Лама няйсть и  содайхть кить крайга кассы шуфттне,къда маштольхть корхтама лама мезе азондольхть.