Доклад на тему: "Үрүҥ халааттаах аанньал"

                  И.М.Хатылаев  аатынан Баайаҕа орто оскуолата.

Тема:      Үрүҥ    халааттаах  аанньал

                                                Үлэни  толордо:  2 кылаас

                                                                        үөрэнээччитэ Неустроев  Ньургун

Салайааччы: алын кылаас

 учуутала Сивцева С.С.

2017

Киириитэ

          Үлэ актуальноһа:  Баайаҕа учаастактааҕы  балыыһата  быйыл 120   сааһын  туолар. Үрүҥ  халааттаах  аанньаллар ортолоругар мин   ийэм  дьоҥҥо  элбэх  көмөнү  оҥорор,  кыһамньылаах, эппиэттээх  үлэһит.

           Үлэ  сыала:    Дьоҥҥо көмөнү  оҥоруу.

    Быйыл  Баайаҕа  учаастактааҕы  балыыһата  эмп  тэрилтэтэ 120  сааһын  туолар. Таатта  улууһугар  бастакынан  Байаҕантай  улууһун  кулубата  Д.С.Луковцев  олохтоох  биэлсэр  Г.Н.Андросов  туруорсаннар  тутуллубут.  Бөдөҥ  тутууну  Василий  Заболоцкай  Бачы  Баһылай  иилээн  саҕалаан  туттарбыттар.  Политсыылынай  Ян Ребицкэй  тэлгэһэтигэр  үлэтин  саҕалаабыта.

  Бу  балыыһаҕа  Байаҕантай, Бороҕон, Дүпсүн, Мөҕүрүөн, Бахсы, Намтан  илин  эҥэрдээҕи  нэһилиэктэр  хабыллан  эмтэнэллэрэ.

                               Мин  ийэм- медсестра.

         Мин  ийэм    Мира  Владимировна  кыра  эрдэҕиттэн  эмчит  буолуон  баҕарбыта.   Дьокуускайга  медучилещены  бүтэрэн  баран куоракка  үлэлии  хаалбыта.   Баайаҕаҕа  ыал  буолан  баран  кэлбитэ. 2010 сылтан  баай  историялаах  Баайаҕа  учаастактааҕы  балыыһатыгар  үлэлиир.

           Ийэм  сиэстэрэ, кини  быраас  анааһынынан  ыарыһахтары  эмтиир  эбээһинэстээх.  Сымнаҕас  илиитинэн  укуол  оҥорор,  система  туруорар.    Кыра оҕолорго  прививка  биэрэр. Ыарыһахтары  туох  наада  буоларынан  эмтиир, бэрэбээски  оҥорор. Компьютерга  үлэлиир,  отчуот  оҥорор.

            Кини  түбүгэ  үгүс, туһата  баһаам.

       Мин  ийэбин  кытта  тэҥҥэ  үлэлиир  үгүс  сиэстэрэлэр, быраас, фельдшер, санитаркалар  бааллар. Олортон  биһиги  киэн  тутта  ааттыыбыт: Анисимова  Александра  Афанасьевнаны, Ольга  Тордуинаны, Татьяна Неустроеваны, Людмила  Тимофееваны, Альбина  Гоголеваны  уонна  да  атыттары.

                           Биһиги  ийэбитинэн  киэн  туттабыт.

      Балыыһа  үлэтэ  сүрдээх  сыралаах, эппиэтинэстээх, ыарыһаҕы  болҕомтолоохтук  көрүү, эмтээһин  элбэх  түбүгү  эрэйэр.Биһиги  ийэбит  олус  эйэҕэс, хас биирдии  ыарыһаҕы кичэйэн  эмтиир, кини  сымнаҕас  илиитэ  элбэх  киһиэхэ  үтүөнү  оҥордоҕо.  Ол  иһин  ийэбитинэн  киэн  туттабыт.

 Төһө  да  түбүктээх  үлэҕэ  сырыттар  дьиэтигэр барыны  бары  оҥорор: минньигэс  астаах,  иистэнньэҥ.Сир  астыыр,  оҕуруот  үүннэрэр.Биһиги  ийэбитигэр  күүс  көмө  буолабыт.

          Мин  улааттахпына  тиис  бырааһа  буолуом. Ыарыы  куһаҕан  тиистэн  саҕаланар  онтон куртах  ыалдьар уонна да  атын  ыарыы  буолуон сөп Ол иһин  мин  дьон  бары  үчүгэй  тиистээх  буолуон  баҕарабын, бары  доруобай  ,чөл  олохтоох  буоллахпытынан олохпут  тупсар.

                                Үлэлиир  коллектива.

           Биһиги  ийэбит  үлэлиир  коллектива  быйыл  үбүлүөйдээх  сыла.   Бу улахан коллектив  сүрдээх  эйэлээх, үлэһит, дьон  туһугар  кыһамньылаах, дириҥ  билиилээх  бастыҥ  коллектив. Бары  тэрээһиннэргэ  көхтөөхтүк  кыттар. Коллективы  үбүлүөйдэринэн  эҕэрдэлээн,  өссө  ситиһиилээх  үлэни  баҕарабыт.

                                     Түмүк.

   Үрүҥ  халааттаах  аанньалларбытыгар  биһиги  туспутугар  кыһамньыларын  иһин  махтанабыт. Чөл  олох  иһин  туруулаһар, дьону эмтиир  аналлаах  мин  ийэм  саамай  күндү  киһим.