Инша-әкиәт

                                                  Инша-әкиәт.

                                                                                        Ерҙә беҙгә ни кәрәк?

                                                                                       -Атай һәм әсәй кәрәк!

                                                                                        Ерҙә беҙгә ни кәрәк?

                                                                                      -Беҙ йәшәгән өй кәрәк!

                                                                                       Ерҙә беҙгә ни кәрәк?

                                                                                       -Беҙ һөйләшкән тел кәрәк!

                                                                                        Ерҙә беҙгә ни кәрәк?

                                                                                       -Тыуған-үҫкән ил кәрәк!                        

       Борон-борон заманда,матур ҡояшлы Башҡортостан илендә йәшәгәндәр ти аҡыллы һәм ҡыйыу кешеләр.Улар бик тырыш,унған һәм бик дуҫ йәшәгәндәр ти. Байрамдары күңелле,йырҙары моңло,бейеуҙәре дәртле, кейемдәре биҙәкле,балалары тәрбиәле булған ти уларҙың.Был халыҡ уҡымышлы һәм бик башлы булған,шуға ла уларҙы башкорттар тип атағандар ти.

     Бер заман Башҡортостан иленә яуыҙ дөйөү осоп килгән ти,ул башҡорттарҙы куреп,уларҙың матур татыу тормошона бик көнләшкән ти һәм улар өсөн иң ҡәҙерле,иң кәрәкле,иң ҙур байлыҡтары булған- башҡорт телдәрен урлап китәргә уйлаған ти. Телһеҙ ҡалған башкорттар бик тиз асыуланышып,таралышып бөтәр,юҡҡа сығар тип уйлаған ул....

      Ләкин бөтә тәбигать быға ҡаршы килгән: ағастар,йылғалар,ҡоштар,бейек тауҙар,йәнлектәр хатта бөжәктәр ,бергәләшеп яуыҙ дөйөүҙе ҡыуып сығарғандар һәм башҡорттарҙың туған телен ,көслө башҡорт телен һаҡлап ҡалғандар ти.

       Был көндән һуң башҡорттар  тағы ла яҡшыраҡ йәшәй башлағандар ти.Тәбиғәтте һаҡлап ,үҙ телдәрен яҡлап ,үҫтереп ,тирә яҡҡа дан таратып, әле булһа ла матур итеп ,бай тормошта йәшәп яталар ти.....

     Беҙҙең ата- бабалар дөрөҫ әйткән ул: «Теле юҡтың- иле юҡ!”