Дәү бабам медальләре

Дәү бабам медальләре

Дәү бабамның медальләрен,

Алып сандык төбеннән,

Элдек өйнең түренә.

Бабам кебек курку белмәс

Буласым килә минем дә.

Мин бабамны күрмәсәм дә,

Батыр икәнен беләм.

Туган җиргә антын саклап,

Безнең тынычлыкны яклап,

Бабам сугышка кергән.

Яу кырыннан исән-имин

Бабам әйләнеп кайткан.

Аның батырлыгын искә алып,

Бабам күкрәгенә дәүләт

Ел да бер медаль таккан.

Мин сугышны яратмыйм,

Килми аны күрәсем.

Килми минем сугышларга,

Яу кырына керәсем.

Бабама охшыйсым килеп,

Хыялланып кич җитә.

Көн артыннан көн үтә.

Хезмәт батыры булырмын,

Тынычлыкка ни җитә!

Әхмәтҗанова Әлфинә

Теләче урта мәктәбе, 3-б сыйныфы