Отошо обоо

Отошо обоо

 «hайхан юм даа, нютагнай

   hаруулхан наруули талаараа,

  Тойрон тобойhон уулануудаараа,

  Тургэн урасхалтай Ивалгаараа.

  Аянхан замуудай бэлшэртэ

  «Абайхан Гэсэрэй буусатай»,

 Боди сэдьхэл заяаhан

 «Бадма Сэсэг» субаргатай,

 Булта зоноо харан hуудаг

 Баян Улаан ундэртэй.

           Шулуу, модо обоолhон хадануудай оройдо зун бүри обоо тахилган болодог. Тэдэ хадануудые эзэдтэй, эзэдынь айхабтар ехэ хүсэтэй, үргэл мүргэл хэхэдэ, нютагай зоной амгалан байдалые харадаг, зөөри хэшэг угэдэг, бороо хура оруулдаг гэжэ этигэдэг байгаа юм. Тиимэ hэн тула июниин тэнгhээ хойшо, июлиин тэн болотор обоо дээрээ гаража, үргэл мүргэл хэдэг байгаа.  Обоодо тэрэ нютагай хүнүүд, бүришье холын зон, илангаяа залуушуул гарадаг hэн. Ехэ-ехэ обоонуудта хэдэн зуун хүн суглардаг бэлэй.

    Обоо дээрээ муноо нютагай хун зон  ламанартай зүбшэжэ, субаргануудые бодхоодог болонхой.

Отошо обоодо ехэ hайхан субарга   манай нютагай уран, нарин  дархан, олон субарга бутээhэн Сергей Цырендоржиевич Намзалов  hайн дураараа туhалhан хунуудээр бодхоогоо юм. Хун зоноо бодхоожо, энэ ажалые эмхидхэhэн Ивалгын аймагай депутадуудай Соведэй дарга ябаhан  Цыретаров Александр Николаевич болоно.

   «Отошо» - эмнэлгын бурханай нэрэ юм. Манай энэ уулые хэн иигэжэ нэрлээ юм, мэдэгдэнэгуй. Магад, эндэ ехээр убшэлhэн хун гаража,ургэл мургэл хэжэ, элуур энхэ болоод, иигэжэ нэрлээ гу, мэдэхэ хун угы. Урданайнгаа заншалаар, хун зон олоороо обоодоо гаража hанаhанаа дурсажа мургэдэг, нютагhаан холо байдаг хунууд обоо тахилгын уедэ нютагаа ерэдэг, угышье hаа, турэлнуудтээ захилаа эльгээдэг.

    Ламанарые Ивалгынгаа дасанhаа залажа, уншалга бутээлгээд, доошоо буужа, булта найрладаг заншалтай. Ухибууд ехэ дуратайгаар урилдаха, залуушуул барилдаха. Булта сугларhан зон духэриглэжэ hуугаад, найр хараха, урилдаhан, барилдаhан ухибуудые урмашуулжа, мунгэ суглуулжа, барюулха.

   Эб нэгэтэйгээр, нэгэ hанаатайгаар булта зоной зориходо, хэрэг hайнаар бутэдэг гэжэ мэдэнэбди. Тиимэhээ булта амгалан мэндэ, элуур энхэ ябанабди!

     Доржиева Дари, 9 «А» классай hурагша

Хутэлбэрилэгшэ: Цыдыпова С.Б.