Фәнни эш "Сәвәләй авылы керәшен татарлары кушаматлары"

Керәшен халкы башка халыклардан үзенең күтәренке күңеллелеге, чаялыгы белән аерылып тора. Ни хикмәт, сугыш елларыннан соң керәшен халкы арасында балаларга бер – берсенә ошаган исемнәр бирү, киң таралган. Мәсәлән, Сәвәләй авылындагы Толяларны гына алыйк. Мондый исемле ир – атларны санап китсәң, очына чыкмассың, бармагыңны гына бөгеп өлгер! Әйтеп киткәнемчә, авыл халкы – акыллы халык. Бу хәлдән дә чыгу җаен тапкан. Ничек дисезме? 

Аеруча керәшен авылларында кушаматсыз кеше юк. Кешеләрнең, беләсездер инде, исемнәре бер булса да, башкаларда очрамый торган үзләренә генә хас сыйфатлары бар. Ә керәшен татарларына кушамат тагарга шушы сыйфат кына кирәк тә инде.