Нывæцæн.

                                   Нывæцæн  « Мæ хъæу»

                                                                       Бæстæтæ бирæ сты, дуне – уæрæх,

                                                                         Цард сæ æнхъæвзы фæрнæй.

                                                                          О, фæлæ мады ад, райгуырæн зæхх,

                                                                           Зонын æрмæстдæр  дæуæй!

Фыдыбæстæ  адæймаг фæхоны , кæм райгуыры ,кæм фæхъомыл кæны ,кæм фæцæры ,уыцы зæхх.

Нæ фыдæлтæн зынаргъ  уыдис  сæ зæхх , сæ бæстæ.  Мæнæн дæр тынг зынаргъ у мæ  Фыдыбæстæ, кæм райгуырдтæн , кæм хъомыл кæнын . Куыннæ  уарзон,  фыццаг къахдзæфтæ  кæм акодтон ,уыцы уæзæг?

Ирыстоны бирæ зындгонд  хъæутæ  ис  ,фæлæ мæн  фæнды  радзурын мæ уарзон хъæу  Михайловскы тыххæй.  Мæхи æмбарынхъом куы фæдæн ,уæд  арæх  хъуыды кодтон,  цæмæн хуыйны цымæ  мæ  уарзон хъæу  Михайловск.  Бацыдтæн  хъæуы   чиныгдонмæ  æмæ ссардтон,  мæн чи хъуыд , ахæм æрмæг.

Уæрæх фæзуаты йæхи æруагьта Ирыстоны  рæсугъддæр  хъæутæй  иу-   Михайловск. Хъæуæн бындур æрæвæрдтой 19 æнусы  дыккаг кæрон Поволжьейæ ссæуæг  немыцæгтæ. 1861 азы фидар Владикавказæй цæгатырдæм æртæ немыцаг мыггаджы – Коберт, Нойберг æмæ Райфшнайдер – мæскуыйаг къниаз Михаилы  барамындæй  сарæзтой колони æмæ йæ схуыдтой Михельсдорф.  Немыцæгты номарæнæн баззад æфсæнвæндаджы станцæйы ном « Колонка »,стæй канд уый нæ, фæлæ ма хъæуы рагондæр  цæрджытæ арæх дзырдтой кæстæртæн, куыд куыстуарзаг уыдысты сæ  хъæуы бындурæвæрджытæ ,уый.

Мæ хъæуæй рацыдис  бирæ зындгонд адæм .Ранымайдзынæн дзы цалдæры : Тугъанты Ларисæ Алыксандры чызг-  Хицауады сæрдары хæдивæг,

Наниты Зинаидæ Алексейы чызг –  зындгонд  дохтыр,

Чысиаты Мурат Шаликъойы  фырт - Парламенты депутат,

Кудзаты Анатолий Бестауы  фырт -   профессор , технологон наукæты дохтыр.

Ирыстоны зындгонддæр æмæ  кадджындæр скъолатæй иу у Михайловскы скъола. Хæссы Советон Цæдисы хъæбатыр  А.М.Селютины ном. Сæдæ азæй фылдæр цæуы не скъолайыл. Æнусæй фылдæр  уый  у зонындзинæдты къæбиц. Кусы  дзы хæларзæрдæ  ахуыргæнджытæ . Уыдон æнæвгъауæй  лæвар кæнынц сæ арф зонындзинадтæ  скъоладзаутæн ,  архайынц   мах раст фæндагыл сæвæрыныл.

Æз тынг сæрыстыр дæн, ацы скъолайы  ахуырдзау кæй дæн ,уымæй.   Мах ,фасивæд,архайдзыстæм , цæмæй нæ хъæуы кад бæрзонддæр сисæм.

Конкурсмæ :      Нывæцан  «Мæ  хъæу».

Архайæг :  Советон Цæдисы хъæбатыр  А.М.Селютины ном хæccæг   Михайловскы астæуккаг скъолайы   4  Б къласы ахуыргæнинаг  Цæллаты Ангелинæ Мараты чызг.

Разамонæг: Соттиты Дзерассæ Отары чызг.