Манай гэр бүлын «одон» - эгэшэ Имин.

Батомункуева Адиса

 Буряад Уласай үндэһэтэнэй

 1-дэхи лицей-интернадай

4 ангиин hурагша

Хүтэлбэригшэд: Дондокова Эржэн Данзанимаевна,

Мункуева Мира Баировна

  Манай гэр бүлын «одон» - эгэшэ Имин.

Буряад уласай габьяата артистка, 2000 оной Буряад уласай шангай лауреат, Дю Солей циркын артистка.

Манай гэрэй оморхол хадаа Имин эгэшэмни, энэ алтан дэлхэйдэ 1989 оной Yбэлэй янгинама хYйтэнэй нэгэ hарын 21-дэ Хитад уласай Yбэр-Монголой Эвенкэ хушуунай Шэнэхээн нютагай Баруун сомондо Һуури Бодонгууд угай Дамбиин Цыдэн-Дамбын Соёлой ба Бохой Хуасай угай Шагдарай Бато-Далайн Соёлмаа хоёрой  гэр бYлэдэ мYндэлһэн юм.

 Бидэ гэр бYлэдөө 3 Yхид болонобди: эгээ ехэ Онон эгэшэмни, Имин эгэшэмни ба би  Адиса  гурбан болонобди.

1990 оной зунай hайхан уларилай хаһада аба эжымнай тYрэл тоонто Шэнэхээн нютагһаан гараад, Буряад уластаа зөөжэ ерэhээр олохон жэл Yнгэрбэ. Улаан-Yдэ хотодоо тYбхинэhөөр гушаад жэл Yнгэрбэ ха юм даа.

 Минии хоёр эгэшэрни Онон ба Имин иишээ зөөжэ ерэхэ сагтаа 2-3-тайханууд байгаа. Аба эжымнай эгэшэнэрэймни һургуулида орохо наһан хүрэхэдэнь, Буряад уластаа мэдээжэ болоһон Yндэhэ яhатанай нэгэдэхи лицей-интернадта оруулһан юм.

Имин эгэшымни нэгэдэхи ангидань угтажа абаһан тYрYYшын багшань - Эрдынеева Жаргалма Цыреновна гээшэ.

 4-дэхи ангиһаан 11-дэхи анги болоторынь абажа ябаһан багшануудын – Ирина Михайловна ба Мира Баировна болоно.

Имин эгэшэмни тайзан дээрэхи тYрYYшын алхамуудаа бага һургуулидаа һуража байха сагһаан эхилһэн юм.

 1997 оной ноябрь һарада Майдар Жапхандаевай ударидалга доро байгуулагдаһан Буряад циркын шаби боложо ороhон юм. Буряад циркэдээ

ябажа эхилһэн дурбэн жаахан басагад (Имин Цыдендамбаева, Аня Хабеева, Баярма Зодбоева, Аягма Цыбенова) дYрбэхэн hарын турша соо бэеэ болбосоролжо, Сагаалганай hайндэрнYYдтэ Буряад драмын театрайнгаа тайзан дээрээ «Бурхан» гэһэн анха тYрYYшынгээ тоглолтоёо бэлдэжэ, уян нугархай бэлиг талаанаараа олон харагшадаа гайхуулhан юм.

2001 ондо Имин эгэшэмни буряад циркынгээ студио-hургуулида эквибрилистикэ гэһэн мэргэжэлтэй боложо түгэсөөд, Буряад уласай гүрэнэй циркын жэнхэни ажалшан болоһон юм.

 Зоной зүрхэ сэдьхэл доһолгохо, гайхамшагта гоё тоглолтонуудаа дэлхэйн олон уласай  тайзан дээрэ гаргаhан юм: Англи, Франци, Швейцари, Швеци, Итали, Венгри, Польша, Финлянди, Словени, Мексикэ, Америкэ, Канада, Гватемала, Монголдо, Хитад, Япондо, ТYYрэг, Сальвадор, Сингапур,  Арабай Нэгэдэмэл Эмирт уласта.

 Эдэ олон жэлнYYдтэ уян нугархай басагуудуудые ударидажа ябаhан циркын  багшань – Буряад уласай соелой габъяата хYдэлмэрилэгшэ Цэнд Очир Сэлэнгэ болоно гээшэ.

 2006 онhoо 2010 он болотор Мексикын «Тиана» гэhэн циркэдэ 4 жэл ажалаа юм. Тэндэ ажаллажа байха үедөө дэлхэйдэ мэдээжэ «Дю Солей»  гэжэ Канадын циркын  кастинг гаража, Буряад уласай аза талаантай циркын дYрбэн арстист басагад (Имин Цыдендамбаева, Аягма Цыбенова, Лилия Жамбалова, Баярма Зодбоева)  энэ циркэдэ ажаллахаяа уригдаhан юм байна.

 2011 оной 9 һарын 25-да Нъю-Йорк хотодо Голивуудай тYб болохо «Кодак» театрай тайзан дээрэ «Banana Shpeel» гэһэн  шоу-тоглолтодо оролсожо, өөһэдынгөө уян нугархай абъяасаа олондо танилсуулһан байна.

2011 онһоо мYнөөшье болотор «Дю солей» гэжэ циркынгээ ажал ябуулһан зандаа. МYнөө дээрээ энэ жэлэй 9 һараһаа энэл циркынгээ олон хамта артистнараараа Австралиин олон хотонуудта тоглолтоёо гаргахаяа ошонхой.

 Эгэшэмни сугтаа ажаллажа ябаһан басагадтаяа олон гэгшын мүрысөөнүүд болон фестивальнуудта  хабаадажа, элдэб янзын шагналнуудта хүртэһэн юм. Шагналнуудынь тоолохо болобол иимэ байна:

1998 ондо:

• Санкт-Петербург хотодо болоhон Уласхоорондын хYYгэдэй болон залуушуулай циркын фестивальда хабаадаад, нэгэдэхи hуури эзэлжэ, «Золотой Арлекин» гэжэ шагналда хYртэһэн юм.
• Польша уласай ниислэл хотодо Варшавада циркын фестивальда хабаадаад, «Серебряный Клоун» гэhэн шагналда хYртөөнхэй юм.

1999 ондо:

• Италида  «Браво Брависсимо», гурбадахи hуури эзэлһэн юм.

2000 ондо:

• Сагаалганай hайндэрнүүдэй «Баатар Дангина» Буряад уласайнгаа «ЭдирДангина» болоһон юм.
• Саратов хотодо Дельфиин нааданда  алтан медальда хYртөө һэн.

2004 ондо:

• Италиин Латина хотодо  нэгэдэхи hуури  эзэлһэн юм.

2005 ондо:

• Хитад уласай ниислэл хото Бээжэндэ. хүрэл медальда хүртэнхэй.
• Циркын уян нугаралай бэлиг шадабарияа дэлгэрүүлһэнэй болон хүгжжүүлһэнэй түлөө  Буряад уласай гYрэнэй шагналда хүртөө.

2006. о:

• Монте-Карло хотодо «Золотой
  Клоун», Мексикын циркын фестивальда хабаадаад, алтан медальда хYртэнхэй.  

2009 ондо:

• Ород уласайнгаа Самара хотодо 8-дахи Дельфиин нааданда оролсожо, хYрэл медальда хYртэһэн юм.

2017 ондо:

• Буряад ороноймнай циркын одод, тэрэнэй тоодо  минии эгэшэ Имин,  «Британия ищет таланты» гэһэн Англиин телешоуда оролсожо, уян нугархай бэеын абъясаараа олон харагшадай ба шүүгшэдэй зүрхэ сэдьхэлые ехэ гэгшээр  хYдэлгэжэ, бултаниие гайхуулаа бэлэй.        

Энэ намар Имин эгэшэмни ажалhаа хоёр гарагын сYлоо абажа гэртээ ерэбэ. Тиигээд сентябриин нэгэндэ интернад ерэжэ юhэдэхи, арбадахи, арбан нэгэдэхи ангинуудай хYхэдYYдтэй улзаад, оор тухайгаа хоорэбэ.

 Циркын артист бурханай үршөөһэн уран бэлигһээ гадна амаргүй хүндэ ажал бэелүүлжэ шадаха, ухаангүй ехэ тэсэбэритэй байха эрилтэ табигдадаг. Зоной зүрхэ сэдьхэл доһолгохо бурханһаа заяагдаһан табисуурай, үндэр һайхан бэлигтэй хүн гээшэ.

 Имин эгэшэмни бага наhанһаан  балерина болохо хYсэлтэй hэн, тиибэ яабашье дэлхэй дээрэхи олон олон уласуудай тайзан дээрэ гаража, уян нугархай бэеын бэлиг шадабарияа олондо танилсуулжа, Буряад ороноо суурхуулжа, дэлхэйдэ мэдээжэ циркын артист боложо, бага наһанайнгаа хYсэлөө бэелүүлжэ шадаа гэхэдэ алдуу болохогYйл даа.

Тиигээд хундэтэ танай анхаралда «Британия ищет таланты» гэhэн Англиин телешоугой видео харуулхам.