Технологиядән проект эше "Вазада чәчәкләр"

Без технология дәресендә «ремейк» дип аталган иҗат төре белән таныштык. Бу инглиз сүзе әйберне яңадан ясауны аңлата.  Сәнәгатьтә табигый ресурсларны саклау өчен тотылган тукыма, кәгазь, пыяла, пластикны кабат эшкәртәләр. Өй шартларында да иске әйберләрне үзгәртеп, яңа киемнәр тегәргә яки аларны матур итеп  бизәргә мөмкин. Үз кулың белән ясалган әйбер өйне ямьләндерә, җылылык, уңайлык тудыра. Гадәти булмаган әйбер эшләү үз – үзеңә ышаныч, канәгатьләнү хисе уята. Билгеле, һәр эш түземлек белән, хыялланып, күңел җылысы биреп эшләсәң генә шатлык китерә. 8 март бәйрәменә вазада чәчәкләр ясау уе менә шулай туды. Бик әйбәт фикер бит бу! Кибеттән берни дә сатып аласы булмаячак.