Сочинение "Минем укытучым"

Минем укытучым.

        Мин укытучы һөнәрен игенче һөнәре белән чагыштырыр идем, чөнки игенче зур авырлык белән иген үстерә. Укытучы да нәни баланың күңеленә яхшылык орлыгы чәчә, белем бирә, тәрбияли.

        Моннан 3 ел элек, бер – беребезне белми торган биш бала үзебезнең беренче укытучыбыз – Нәбиева Гөлназ Мөнир кызы белән таныштык. Ә укытучыбыз үзенең көләч йөзе, ягымлы күз карашы белән барыбызны да үзенә каратты. Шулай итеп, зур сабырлык белән безне белем диңгезенә алып кереп китте.

        Минем укытучым дәресләрне мавыктыргыч, кызык итеп алып бара белә. Ул безне игътибар белән тыңлый, юата, ярдәм итә. Мин үземнең олы күңелле укытучымны хөрмәт итәм. Аңа авыр һәм мактаулы эшендә уңышлар һәм сәламәтлек телим.

                                                                               Кама – Исмәгыйль төп гомуми белем

                                                                               мәктәбе 3 нче сыйныф укучысы

                                                                               Махиянова Элина Ильшат кызы