Тукай китабы.Шигырь.

   Тукай китабы.

Сеңлем  китапханәдән

Бер китап алып кайткан.

Үзе шундый шатланган,

Әйтерсең лә кош тоткан.

Рәсемнәре кызыклы,

Шигырьләре бик күп,ди.

Әкиятләре дә бар,

Әйдә бергә укыйк,ди.

Бергә укый башладык,

Бигрәк кызык икән,дип.

Бу китапның авторы

Тукай абый икән бит.

Әби әйтә:”Балалар,-ди,

-Яхшы китап алгансыз.

Туган телне онытмассыз,

Тукайны укысагыз.”