"Минең шәжәрәм"

   Минең шәжәрәм.

Йәмле йылға буйында

Булған икән бер ауыл.

Ул ауылдың исеме

Тирәкле тип аталыр.

                  Шунда Зиәкә тигән ҡарт

                  Ҡортсолоҡ менән булған.

                  Тирәкленең яландары

                  Бал ҡорто менән тулған.

Уның улы - Ғәни атлы,

Ҡот-терәк булып торған.

Үҫеп, буйы еткәндән һуң

Уның да улы тыуған.

                   Бик ҡыуанған атаһы -

                   Маннаф тигән исемен.

                   Оло эштәр атҡарып,

                   Тиҙ таралған исеме.

Күп йылдар үтеп киткәс,

Маннафтың улы тыуған.

Исеме уның – Халиҡ.

Яратҡан үҙен халыҡ.

                    Халиҡ Инйәр туғайында

                    Көтөүсе булып торған.

                    Иң оло улы - Әбделхәй

                    Был эште дауамлаған,

                    Һәм  фермер булып киткән.

Биш улы булған: Миңнулла,

Наил, Айрат һәм Азат.

Бергәләшеп үҫкәндәр,

Һәм дә кесеһе – Илшат.

                    Әбделхәй олатайымдың

                    Булған, ти,  өс туғаны.

                    Ғәбделбәр һәм Зәйнулла,

                    Зәйнулла –эштә етди.

Минең атайым Наилдың

Ике оло улы бар:

Ағайым - Заһир, мин – Таһир,

Туғаным - Данир, Надир.

                     Әсәйем Физәлиә менән

                     Бергә ғүмер итәбеҙ.

                     Мал –тыуар, ҡош- ҡорт тотоп,

                     Гөрләп донъя көтәбеҙ.

                                   Ғәниев Таһир, 9 класс уҡыусыһы