Инша "Җәйге ялым"

Минем җәйге ялым

        Җәйге каникулларым минем бик әйбәт узды. Җәен без гаиләбез белән Свияжск утравына сәяхәткә бардык.Бу искиткеч утрауның тарихы белән таныштым. Ул 1551нче елда Иван Грозный заманында төзелгән тарихи-архитектура комплексы икән.  Ул вакыттан безнең көннәргә кадәр Троицк соборы гына сакланып калган. Хәзер бу утрау танымаслык булып үзгәргән. Анда 10 чиркәү эшли. Тимерчелек һәм балчык белән эшләү сәнгатен үстерүгә зур игътибар бирелә. Мин дә үземә бәхеткә тимер акча суктым. Төзәтү эшләреннән соң этнографик комплекс Конный двор ачылган. Бу ныгытма 16 гасырның икенче яртысында агачтан, 18 гасырда таштан төзелгән.  Свияжк утравы – халкыбызның  тарихи  һәм мәдәни рухи һәйкәле дип саныйм.

        Җәйнең матур көннәрендә сеңелем һәм дусларым белән яныбызда урнашкан "Мирас" спорт комплексы янында скейтбордта, вейвбордта, велосипедта шудым.

        Җәйге ялымда авылда да булдым.  Дусларым белән көндезләрен Зөя елгасында су коендык, кызындык, балык тоттык, ә кичләрен велосипедта йөрдек, футбол уйнадык. Бакчадагы яшелчәләргә, чәчәкләргә су сиптем.

Җәй сизелмичә дә үтеп китсә дә ул миңа яхшы хисләр генә калдырып китте.

                                        Багавиев Самат, Казан шәһәре Совет районы 175 нче урта мәктәбенең 8 нче сыйныфы укучысы