Башҡортостан - туған төйәгем.

Башҡортостан Республикаһы Октябрьский ҡалаһы ҡала округының

«12-се урта дөйөм белем биреү мәктәбе»

муниципаль бюджет дөйөм белем биреү учреждениеһы

(инша)

                                                        Үтәне: 7 класс уҡыусыһы Харисов Динар

                                                        Уҡытыусы: Харисова Гөлнара Марс ҡыҙы.

                                                                         Башҡортостан! Һинең гүзәллеккә

     Тиң булырлыҡ ерҙәр бармы икән?

                                                                   Аҡҡош кеүек ап-аҡ Ағиҙелкәй

                                                              Ҡайһы илдә генә бар икән?

                                                                  Башҡортостан алһыу таң иле
                                                             Гөл-баҡсалар иле,дан иле.

        Эйе! Ниндәй матур ул минең һөйөклө Башҡортостаным!  “Тыуған ер” тип кеше ғорурланып,һоҡланып  әйтә. Ысынлап та ,тыуған ер ул тылсымлы һүҙ. Кеше иленән алыҫ йәшәһә көҙгө япраҡтай һарғая. Ә инде ғәзиз төйәгенә ҡайтһа,уға  яңынан көс керә.

       Бик яратам мин үҙемдең Тыуған илем-Башҡортостанымды. Ул бейек тауҙар,ҡалын урмандар,тәрән күлдәр,матур йылғалар иле.

       Башҡортостан-Урал тауҙарының көньяғында урынлашҡан бәрәкәтле һәм күркәм төбәк ул. Күккә олғашҡан ҡаялы тауҙары,сылтырап аҡҡан шишмәләре,көмөш һыулы йылғалары тураһында бик күп шиғыр,йырҙар бар.

                                                              Башҡортостан-саф шипшмәләр иле,

                                     Сылтырап аға көмөш һыуҙары.

                                                                 Болоттарға терәп аҡ түбәһен,

                                                                 Мәғрүр тора ҡая-тауҙары.

      Эйе,республикамдың гүзәллегенә һоҡланмау мөмкин түгел. Мин Башҡортостандың гүзәл бер төбәге Октябрьский ҡалаһында тыуып,атам-әсәм ҡосағында иркәләнеп үҫәм.Ҡалам тауҙар ҡосағында,йәмле Ыҡ йылғаһы буйында урынлашҡан. Тәбиғәте матур,уға ҡарап һоҡланмаған кеше юҡтыр. Саф,тулы һыулы,балыҡҡа бай Ыҡ йылғаһы бормаланып-бормаланып ҡаламдың эргәһенән аға.Йылға буйҙарында үҫкән зифа талдар,мөһабәт өйәнкеләр йәй буйы бала-сағаның һыу инеүен күҙәтә.

       Ысынлап та тәбиғәтебеҙ ғорурланырлыҡ. Ләкин ошо гүзәл тәбиғәтебеҙҙе һаҡлаусы,үҙенең бөгөнгөһөн,киләсәген уйлаусы бармы һуң? Ундайҙар бик аҙ шул. Кешеләр һыу буйҙарына сүп-сар ташлайҙар,   урмандарында ҡырағайҙарса һунар итәләр,ағастарҙы ҡырҡалар,күпләп балыҡ тоталар.

      Минең бөтә донъяны яңғыратып:”Ағастарҙы ҡырҡмағыҙ,тәбиғәтте бысратмағыҙ”,тип ҡысҡырғым килә. Был илаһи тәбиғәтте киләсәк быуынға ла ҡалдырайыҡ.