Бабам теләге

Бабам теләге

( Бөек җиңүнең 70 еллыгы уңаеннан бабам, Ватан сугышы ветераны, Габделәхәт Сабирҗан улы Әхмәтҗановның якты истәлегенә багышлыйм)

Шөкер кыла һәркөн минем бабам

Кулына алса, ипи , шикәрне.

“Кунак көне, һәркөн, кара әле”,- ди,

Төшкә керми инде элгәре.

Сугыш чоры туры килде безгә,

Ялан аяк, җирдә туң әле,

Әни белән икәү шул туң җирдән

Черек бәрәңгеләр эзләдек.

“Әни уңган иде безнең ,“ – ди ул,

Шундый тәмле иде күмәче,

Мичтән чыгу белән берәр кисәк

Була иде һәркем өлеше.

Язлар җитсә без үзебез дә

Тормый идек өйдә аптырап.

Каен суын, юа, балтырганны

Эзләп чаба идек кыр буйлап.

Шулай сөйли- сөйли бабай,

Аннан бертын уйлап утыра,

“Әниемнең, - ди, арык куллары,

“Җиде җанны” ничек туйдырган?..”

Шөкер кыла һәркөн минем бабам

Кулына алса , ипи , шикәрне.

Илләр генә имин булсын,

Менә аның барлык теләге.

Мөбәрәкҗанова Гүзәл,

Алабуга шәһәре 1 нче гимназиясенең 11 сыйныф укучысы.