Минем яраткан укытучым

                                    Минем яраткан укытучым.

   Укытучы – иң кирәкле һөнәрләрнең берсе. Аларның хезмәте авыр, катлаулы, ләкин бик файдалы.

    Безнең мәктәптә укытучылар күп. Алар барысы да бик әйбәтләр. Минем яраткан укытучым Рәхмәтуллина Алсу Мөкатдисовна. Ул безне беренче сыйныфтан бирле укыта. Укытучыбыз бик яхшы, кайгыртучан. Ул безне язарга һәм укырга өйрәтте. Тагын ул безне гел яхшылыкка гына өйрәтә, тәртипле булуыбызны тели.

   Мин хәзер дүртенче сыйныфта укыйм. Мин инде бик күпне беләм, чөнки Алсу Мөкатдисовнаның дәресләре бик кызыклы. Дәресләрдән тыш вакытта ул безгә кызыклы вакыйгалар сөйли, файдалы киңәшләр бирә. Без аны барыбыз да яратабыз.