М.Җәлилгә багышланган шигырьләр

                                             Герой  Муса.

1.   Муса  абый  күп  авырлык  күреп,

 Моабит  төрмәсендә утырган.

 Шул вакытта безнең өчен

 күп  шигырьләр  язып  калдырган.

2.  Ул  үзенең  унбер  дусты белән

 илебезнең  халкын  саклыйлар.

 Палач  балтасына  ятсалар да,

 Туган  илебезне сатмыйлар.

3.  38 генә  яшь   булса да,

Тез  чүкмәгән  дошман  алдында.

Әминәсен, кызы  Чулпанын да

кол  итмәгән  дошман  халкына.

4. Җәлил  абый, барлык  җәлилчеләр

Үрнәк  булып  керде  күңелгә.

Үзе  үлсә дә җыры, шигыре калды.

Герой  исеме калды мәңгегә.

                        Кызыма  хат.

1. Чулпан  кызым, сине сөеп, яклап,

Яныңда  мин  була  алмадым.

Әти назы, әти  киңәшләре  биреп,

усаллардан  саклый  алмадым.

2. Еракларда,   дошманнардан  саклап,

Палач  балтасына баш куйдым.

Вәхшиләрдән  җаным  өзелгәндә,

әниең  белән сине уйладым.

3. “Ил дошманы кызы”  дигән сүзне,

 ишетмәсен  дидем  гомергә.        

Үлемем  белән  син горурлан, кызым.

“Герой”  исемем кайтты  илемә.

Чулпан  апага!

1. Чулпан апа!

Муса  абый әгәр илне  саткан  булса,

дошман коткысына  бирелеп.

Яшәр  идең  кеше  арасында,

Һәрвакытта   башың  иелеп.

2. Авыр  булган  беләм, әти кеше

кулларына  алып  сөймәгәч.

Тормыш  юлларында  терәк  булып,

киңәшләрен  биреп  тормагач.

3.  Барсына  да  түзеп, яшисең син.

“ Ил дошманы кызы” булмадың.

  Герой  кызы  диеп горурланып,

 Кимсенмичә  кыю  атладың.

4. Күпме  җыры, шигырьләре  аның.

Киңәш, үрнәк  барлык  кешегә.

Төрмәдән дә бик күп шигыре кайтты.

Герой  исеме кайтты  иленә.