"Энъ къыйметли мирас"

Слайд 1

Слайд 2

Мен Абсеттаров Музафар 8- Б сыныф талебесим . Биз къорантамызнен Кефе шеэри Ближнее коюнде яшайыкъ .

Слайд 3

Эр бир къорантадаки киби бизим къоранта да эски тикиш машинасы бар, о несильден несильге кечкен бир мирастыр . Бу тикиш машинанынъ устюндеки язылары силинип кеткен олса да, лякин бизим ичюн бу тек шей дегиль де, акъикъий аиле дегерлиги . Онынъ озь тарихи бар.

Слайд 4

Меним къарткъартанам ве къартдедемнинъ къорантасы буюк олгъан . Эльбет чокъбалалы къорантада къартанам бутюн вакъыт бир шей тике, ямалай , буюк балаларнынъ шейлерини кучюклерге уйдура , перде ве тюб чаршафлары тике, яшайышлары агъыр олгъан , амма къартбабам бир чарелер тапып тикиш машинысы сатын алгъан .

Слайд 5

О заманларда къарткъартанам ичюн бу бир муджизе эди . Бу тикиш машинасы къорантамыза бойле буюк эмиети олур деп , бир кимсенинъ акъылына биле кельмеген . 1944 сенеси меним къартабамнынъ къорантасыны Къырымдан Уралгъа сюргюн эткенлер . Энъ къыйметли шейлер ичинден тек тикиш машинасыны алып етиштиргенлер . Бу тикиш машинасы оларны агъыр куньлерден олюмден кутаргъан . Къарткъартанам елек , фурашкалар тикип , оларны сатып , яда ашайт малына денъиштирип бойлеликнен кунь кечиргенлер . Сонъра Озьбекистангъа кочькенлер . Тикиш машинасынен энди меним Эдае къартанам къуллангъан . 1989 сенеси бизим къоранта Къырымгъа кочип кельди ве тикиш машинасы кене озюмизнен берабер Къырымгъа къайтты . Бу кучюк икяеде тикиш машинасыны муим ролюни айтып оламазсынъ , амма мен тикиш машинаны сакълап , озюмнинъ балаларыма мирас оларакъ къалдырырым .

Слайд 6

Шимди бу тикиш машинасы бизим эвимизнинъ кошесинде тура. Бу айле дегерлигини козь бебеги киби сакълап тутаджамыз , чюнки бу урьмет этильген шей – кечмишнинъ хатырасы .