Конашкава мазы шачема масторсь

МБОУ «Мордовско-Козловскяй средняй общеобразовательнай школась»

Атюрьевскяй муниципальнай районць

Азкс

«Конашкава мазы шачема масторсь»

Сермадозе : Мишин Антон

7 –це классонь тонафнись

Кода лемоц тя ляйнять , и коза сон  тяфта эряскоды ? Тя Шудинясь . Сон эряскоды кандомс эсь ведензон Явас ляйти .Тя ляйнять эзда ушеды монь шачема масторозе .

Мон пяк кельгса шачема краезень .Сяс  мес тяса тиене васень «тумонятнень » , азыне «тядя » валть ,  ушедонь тонафнема школаса и мунь эстейне ялгат .

Сембось : тядяне-аляне , семьязе , ялгане , школась , перьфпяльсь – тя монь шачема уженязе.

Конашкава мазы шачема масторсь ! Фкя пяльде велеть крайга стенакс таргави пиче вирь , кона кеняртьфнесыне велеряйхнень кизонек – тялонек.

Кизонда ломаттне кочксихть тяста кстыхть ,панкт  , эрь кодама тишенят- панчфкат , кулхцонкшнихть нармонень морот и ляйнять жольдердеманц , корхнихть  каба –конашка сери пичетнень мархта ,азондсазь тейст эсь пичефксснон- кенярдемаснон . Симихть лихтибрять кельме ару ведьстонза и пара мяльса ,пяшксе эрьгаса сайхть куду. Вирьса ломанць пяшкоди мялень пети вийса и кемокстави шумбрашиц.

Тялонда вирсь вельхтяви акша вельхтердаса . Семба шуфтонятне – кусторкскятне щайхть акша орнят .Вирьса аф марят нармонень морот , но идень вайгяльхне аф машнихть шиньберьф .Тяса иттне курькснихть соксса и нурдоняса .Прайхть – стяйхть , рахсихть фкя- фкянь лангс ловонь ацамть лангса и , пяшкодевомок шумбрашинь зарядса , шоподемшовор  мърдайхть куду .

Велезевок тялонда полфтсы шамаликонц . Наряжай баяравань орса , а мъзярда кельма шиста лихтьсы прянц шинясь , мярьгат , кие – бъди валозе перьфпяльть питни кевняса . Синь эрь кодама тюсса цифтордыхть шить сюролданзон ала .

Перьфпяльсь удось -  ваймясь , ванозень эсь ононзон ловонь вельхтердать ала , а тяни анок ломаттнень мархта покодемс .Тунда ушедыхть велезень эса сокамань – видемань тефне . Въдь велезень омба пяльде занязь морякс кели и пефтома паксятне . Мъзярда сёрось венеми , ванат паксят лангс , и виде , бъта моря крайсат , няйсак , кода ляпе варманясь тии сянгяря- сенемаза волнат . А кодак сёрось кенери  , велеть келес срады кшинь танцти шиненя , кона эрь ломанть седис канды пефтома кенярдема .

Вишкста кизонь пинкне полафтыхть фкя –фкянь .  Аф кенерят урядамс кизоть казнензон , сай ся пингсь , мъзярда сави пращамс аф аньцек мазышить мархта , но и нармоттнень , конат кизоньберьф стяфнемазь – матнемазь эсь мороснон мархта .

 Менельса кулевихть  то каргонь , то вирьмациень , то яксяргонь юватькшнемат  . Синь бъта азыхть мяль : «Учемасть , минь курок мърдатама эсь шачема вастозонк».

Велезень лемоцка пяк мазы – Каргоньжяй . Пяк кунара велеть перьфке пяк ламоль шяйда . А шяйхне пяшксельхть каргта . Пингонь етазь синь тусть тя аймакста , и лядсь аньцек велеть лемоц , коса лятфневихть каркне . А мъзяра киза ни велети тага появасть каркт , васенда кафтоль , а тяни ни няендеви сяда лама . Улема , синьге ломаттнень лаца лажадсть эсь шачема ширеснонды , а нинге мон арьсян нармоттнень самасна аф стак : тя корхтай велеть аф юмаманц колга . И виде , мъзяра веледа  юмай – арай , шами – калады , а монь велезе эрь шис кассы – келеми .

Мон пяк павазуван, мес шачень -  касонь тяфтама мазы вастса  . Мъзярда аделаса школать  , тонафнемда меле мърдан эсь келгома мокшень велезти , штоба эсь работасон няфтемс , што монга мезе –бъди тиень эсь кельгома уженязенди .