Әсәйем

                                            МИНЕҢ   ӘСӘЙЕМ

     Донъяла   әсәйҙәрҙән   дә   бөйөгөрәк   кеше    юҡтыр   ул.   Бушҡа    ғына    

уларҙы    ҡояшҡа    тиңләмәйҙәр.  

   Минең    әсәйемдең    исеме    Филүзә.  Ул   мәктәптә уҡытыусы булып эшләй. Әсәйем сабыр холоҡло,уңған,түҙемле кеше.Ул беҙҙе тәрбиәләүгә бөтә көсөн һала.Ауырыған саҡта эргәнән китмәй,төрлө үләндәр менән дауалай.

Әсәйем шулай уҡ тәмле-тәмле аштар бешерергә лә ярата.Ял көндәрендә беҙҙе үҙенең ҡамыр аштары менән һыйлай.Бигерәк тә ул бешергән  өсбошмаҡ,ҡыҫтыбый,бәлештәрен яратып ашайбыҙ.

    Әсәйем шулай уҡ матурлыҡты ла ярата.Баҡса тулы гөл-сәскәләр үҫтерә.

Ә   кистәрен   бергәләшеп   өйгә эш   эшләйбеҙ.   Буш   ваҡыттарҙа    китап уҡыйбыҙ.   Әсәйем    миңә    ырғаҡ    (крючок)    менән   бәйләргә   лә  өйрәтә.

    Мин   әсәйемде   бик   ныҡ   яратам.   Әсәйем   өйҙә   булмаһа , өйҙөң   йәме    юҡ.     Донъяла   шундай    әсәйҙәр   күберәк    булһын    ине!

                                                                                          РЕЗИДА   ШИГАБУТДИНОВА