Кыш килде

                                                            Кыш килде.

Ап-ак карлары белән,

Салкын көннәре белән,

Килеп җитте безгә кыш

Җил-бураннары белән.

Тышта суык булса да,

Барабыз тау шуарга.

Без-балалар-шук халык,

Ничек өйдә ятарга?

Курыкмыйбыз салкыннан,

Йөрибез шугалакка.

Тимераякларны алып,

Һәр көн чабабыз бозга.

Кыш бабай әвәлибез,

Юеш,җепшек көннәрдә.

Кар атышып уйныйбыз,

Дусларым белән бергә.

Ап-ак карларың белән,

Салкын көннәрең белән,

Көтеп алдык сине, кыш,

Җил-бураннарың белән!

                                                                                  Галимҗанова Элина