Гүзәллек Патшабикәсе

Гүзәллек Патшабикәсе.

          Әле кичә генә җәйне көтеп алган идек. Матур, кызу, күңелле көннәре белән җәйнең үтеп киткәнен сизми дә калдык. Ә бүген инде көз! Бакчадагы тулып бешкән җимешләре, кырдагы мул уңышлы игеннәре белән кешеләрне сөендереп, җиргә алтын көз аяк басты. Минемчә, көзне сары төсе өчен генә түгел, ә көзге байлык, муллык өчен дә алтын көз дип атыйлар. Көз җиткәч, көннәр кыскара, төннәр озыная башлый. Агачлар яфракларын коя, җир өстенә сары келәм түшәлә.

           Минем өчен көз – яраткан ел фасылы.Чөнки көз – яңа уку елы башлану, дуслар, сыйныфташларның җәйге истәлекләр белән уртаклашу  вакыты.

          Барлык тирәлек үзгәрешләр кичергәндә без мәктәптә “Уңыш бәйрәме” уздырабыз. Бакчабызда үстергән яшелчә, җиләк-җимешләрдән күргәзмә ясыйбыз, көз турында җырлар җырлыйбыз, татар халкының җырлы-биюле уеннарын уйныйбыз, төрле бәйгеләрдә катнашабыз. Ә иң куанычлысы- “Укытучылар бәйрәме”. Аларга без эшләрендә уңышлар теләп, чәчәк бәйләмнәре бүләк итәбез.

          Һәр ел фасылының  үз матурлыгы, гүзәллеге, һәрберсенең үзенчә иң яхшы сыйфатлары бар. Көз – ул Гүзәллек Патшабикәсе.

Солтанова Мәликә,

Азнакай районы, Тымытык урта мәктәбе,

2 сыйныф укучысы