Маттур та хастар поэт ялан асра

                                    Маттур та хастар поэт ялан асра

       Кăçал Çеçпĕл Мишши çуралнăранпа 120 çул çитрĕ. Эпир ăна чÿк уйăхĕн 16-мĕшĕнче паллă турăмăр.Назарова С.М.тăван чĕлхепе литература вĕрентекен тата Герасимова Р.Г. библиотекарь пире ун пурнăçĕпе тата пултарулăхĕпе паллаштарчĕç. Çеçпĕл Мишши Канаш районĕнче, унăн амăшĕ вара пирĕн Красноармейски районĕнчи Шывпуç Чуракассинче  çурални маншăн çав тери интереслĕ пулчĕ. Апла пулсан Çеçпĕл пирĕн ентеш тесен те йăнăш пулмасть пуль! Çемьери тватă ачаран асли пулнă вăл, килти пур ĕçе те тума пулăшнă.

     Сахал пурăннă поэт, анчах чăваш халăхне савăнтарма нумай сăвă çырса парса хăварнă.Чăвш çĕр-шывне, çыннисене питĕ юратнă вăл. Унăн кашни сăввинче тенĕ пекех  чăваш  сăмах пур. Манăн Çеçпĕл Мишшине Геннадий Айхипе танлаштарас килет, мĕншĕн тесен вĕсем иккĕшĕ те вĕри юнлă, кăварлă чун-чĕреллĕ поэтсем пулнă.

    Шел пулин те, турă çак илемлĕ сăвăсем çыракан поэта сĕр çинче нумай пурăнтарман. Вăл йывăр чирлесе вилнĕ. Ăна Украинăра пытарнă.

   Эпир Çеçпĕл Мишши хайлавĕсене паян кун та вулатпăр. Эпир ,чăвашсем , пирĕн çавăн пек маттур та хастар поэт пулнипе мухтанатпăр.

                                                                              Саша Степенова, 8 класс, Мăн Шетмĕ шкулĕ