А.Алиш конференциясе

Җәлил күңеле

Шагыйрь күңелен аңлап буламыни?!

Шагыйрь күңеле – бозлы ялкын ул.

Ә Җәлилнең күңеле таныш безгә,

Йөрәк җыры белән якын ул.

Туган илен сөйгән йөрәгеннән

Ташып чыккан кайнар хисләрен

Мәңгелек җырларга тиңләшерлек

Шигырьләргә түккән кичләрен.

Йөрәгендә яшәгән батырлык

Иле өчен тамган кан булып,

Моң булып шигырьләренә күчкән,

Күңелләрдә яши яңарып.

Шул шигырьләр йөрәкне кузгатып,

Батырлыкка безне чакыра.

Җәлилдән аңлыйбыз, Туган илне

Тирән итеп кирәк яратырга!

Язларга гашыйкмын

Язларга гашыйкмын,

Бигрәк дусларым.

Язларын кайталар

Яраткан кошларым.

Яз җиткәч карлардан,

Арына басулар.

Челтерәп агалар

Ярлардан ташулар.

Яшәрә агачлар,

Бөреләр күренә.

Мәшәкать тә арта

Якты яз килүгә.

Шунысы белән дә

Якындыр ул бәлкем.

Егерменче майда -

Бәйрәмем- туган көн!

Безнең гаилә

Безнең гаилә- зур гаилә,

Безнең гаилә- дус гаилә,

Без бик тату гаилә,

Барына үрнәк гаилә.

Бар гаиләмдә: әти, әни,

Мин, абыем - Илдан.

Бар тагын кечкенә, шук

Сеңелкәем - Язгөл.

Шундый дус яшибез без:

Бик әйбәт әтиебез,

Бик матур әниебез,

Шуңа да бәхетле без.