Яңа ел

Яңа ел

Яңа елны көтәбез,

Әй зарыгып бетәбез.

Чү! Урманда бер тавыш

Ул миңа шундый таныш.

Кыш бабай түгелме соң?!

Кар кызы түгелме соң?!

Бүләкләре күренә

Моңа күңел сөенә!

Биеп-җырлашып алыйк,

Күчтәнәчләрне карыйк.

Чыршыбыз яшел шәлле,

Күчтәнәчләр бик тәмле.

Урман бәскә төренгән

Бәйрәмгә куян килгән.

Кичәбез гөрләп тора,

Куянкай биеп тора.

Әй бии ул тып та тып,

Колакларын уйнатып.

Биеп арыгач, кинәт,

Сорап куйды ул бүләк.

Кучтәнәч итеп аңа

Бирделәр сусыл кишер.

Куянкай качып китте,

Кичәбез шулай бетте.