эссе "Образы женщины - матери в скульптурах С.Д. Эрьзи"

Тиньгаев Илья Николаевич,

МБОУ «Сузгарьевская СОШ»

Рузаевского муниципального района

Республики Мордовия

5 класс.

Руководитель:

Нестеркина Елена Николаевна-

учитель родного(мокшанского)языка и

родной(мордовской) литературы.

«Ах, без мамы ни в чём нету смысла!..» (М. Цветаева.) «Сюконян тейть, тядяй!» / «Сюконян тонеть, авай!» (П. Любаев). Об образах женщины-матери, к которым скульптор неоднократно обращался, стремясь показать главное предназначение женщины.

Степан Дмитриевич Эрьзя – содаф мокшень скульптор. Шачсь церанясь крестьянонь семьяса. Рисавамань асушись сась сондеенза алянзон – тядянзон эзда. Аляц мазыста серматкшнесь аф оцю серматфкскат церковнай книгатненди, тядяц пяк  маштсь сермадома (вышивать).

Авань – тядянь образ…Тя темась инь кърхкась и шарьхкодевись мировой искусстваса. Содаф миронь скульпторхне: Этьен Морис Фальконе, Лоренцо Бартолини тожа серматкшнесть – тиендсть авань обраст. И аф стак асу минь земляконьке С.Д. Эрьзя шарфтсь оцю мяль авати – тядяти. Сонь мялень салай скульптуранза «Мать с ребенком» («Тядясь шаба мархта»), «Портрет матери» («Тядять портретоц»), «Материнство» («Тядяксши»), («Спящая мать») «Уды тядя» пяшкотьфт авань кельгомаса, эряфонь кенярдемаса. Виденц корхмамс, инь оцю вастсь, конац максф авати модать лангса – тя арамс тядякс.

Ваномок «Мать с ребенком» («Тядясь шаба мархта») скульптурать лангс, С.Д. Эрьзя няфтезе авать сембодонга оцю питнишинц – сяда тов эряфонь мольфтемать. Сембе  авань обраснень содаф мастерсь амолязень  мокшэрзянь культурать эзда, коса оцю васта кунаркиге занцесь авась – тядясь. Авась – тядясь – тя шачема юронь ванфты, кудса рана толонь уфай,танцти ямонь пиди. А мъзяра ляпе и лямбе вал авась морсесь нюрямонь мороняняса! Синь эсост тядясь няелезе и морселезе эсь иднянц сай пингонц. Церанянц – тазакс и отькорькс. Стирнянц – мазыкс, эрь кодама тевонь тиикс.

Мон арьсян, што ламоц авань образ мархта скультпуратнень С.Д. Эрьзя сявозень эсь тядянц эзда. Въдь, скульпторсь тусь кудста тонафнема, а меле -  покодема пяк рана. Эрзянь церать фалу мяльсонзоль тядяц, кельгома тядяц! И куваня ба сон афоль яка – шяя,  мялецоль фкя – самс Родиназонза!