Сказка "Кӱстиҥ баатыры"

Кӱстиҥ баатыры

Јебрен-јебрен ӧйлӧрдӧ Ойлу-Ойгор деп баатыр јуртаган. Ол кызыл-сары јалбырактаҥ, агаштардыҥ бӱрлеринеҥ белетеген куйакту чыккан. Ойлу-Ойгор кӱски аркага баштапкы катап кыйгырарда, бастыра аркадагы аҥ-куш келген, оны кӧргӧн. Энези, Кӱреҥ-Кӱс, ол тушта айткан:

- Ойлу-Ойгор уулым куйакту чыкканы тегиндӱ эмес. Ол Алтайдыҥ ар-бӱткенин, аҥы-кужын корулаар алып-баатыр болор.

Ойлу-Ойгор јылдыҥ кыш, јай, јас ӧйлӧринде уйуктаар болгон. Кӱскиде ойгонзо, бастыра Алтай јерин ӧдӧт. Кажы ла баскан јеринде ӧлӧҥ саргарат, агаштардыҥ јалбырактары оныҥ тыныжынаҥ сары-кызыл ӧҥ алынат. Бу ӧйлӧрдӧ кобы-јиктер сайын јуртаган аҥчылар база ӱргӱдеҥ ойгонгондый, сыгынга аҥдаарга шыйдынып баштайт. Эҥ ле озо олор амыргызын кичеейт.

- Эй уул, сениҥ амыргыҥ эҥ ле ӱнгӱр эди. Оны белетеп салдыҥ ба?

- Эйе, карындаш. Сенде артык јаан арчымак бар болгон эди. Меге беретен туруҥ!

Аҥчылар аттарын ээртеп, Алтайдыҥ арка-тууларыла јортып барат. Каҥыл мӧштиҥ тӧзине одуланып, конуп алат. Амыргызын тайга-ташка јаҥыландыра тартат. Сыгын айда бойлоры да чӧйӧӧ табыштанып јӱрген сыгындар амыргыныҥ ӱнин ӱӱрин бедиреген сыгын деп бодоп, табыш чыккан јерге меҥдейт. Сӱмелӱ аҥчылар јайыла семирип калган сыгынды мынайып адып алат.

Аҥчылардыҥ кылыгы ӧйин ӧдӧ бергенин ајаруга алып, Ойлу-Ойгор баатыр база амыргы тартып, сыгындарды бойына јууктадала, ач улус кӧрбӧс аркада сугуп, Алтайдыҥ аҥыныҥ тынын аргадап алат.

Ойлу-Ойгор эмдиге ле Алтайын корулап јӱрет.