Язмыш әни сине бүләк итте!

Әниемә!

Без - сабыйлар бәхете хакына,
Язмыш әни сине бүләк итте.
Безнең арабызда бер мизгелдә,
Туганлык җепләре бәйләнде

Рәхмәт әни,рәхмәт барсы өчен,
"Балам"диеп кабул иткән өчен
Җылы кочагыңа алган өчен,
"Улым,кызым"диеп дәшкән өчен

Янда әни булу рәхәт икән,
Татлы йокыларга талганда
Йомшак кулың әни кирәк икән,
Авыр чакта назлап сөяргә

Безнең өчен әни кадерле син,
Синең белән сөенеп яшибез
Иңне иңгә куеп әти белән,
Тормыш сукмагыннан атлагыз.

И Ходаем,шундый изге җанга,
Бир түземлек,бир син сабырлык
Без телибез әниебез сиңа,
Озын гомер ныклы сәламәтлек