Өбүгэлэрбит саҕаттан, олорор түөлбэлэригэр үүнэр эмтээх үүнээйилэри туһанан, эмтэнэн кэлбиттэрэ. Кинилэр хайа үүнээйи, ханнык ыарыыга туттулларын эндэппэккэ билэр дьоҕурдаах, мындыр дьоннордооҕо. Ол курдук эһээлэрбит, эбээлэрбит, төрөппүттэрбит кэпсээннэриттэн истэн билэбит, Хара-Алдаҥҥа отоһут Дьарааһын эмээхсинэ, эбээ Балбаара диэн эмтээх үүнээйилэринэн, ханнык баҕарар ыарыыны эмтээн, элбэх киһиэхэ көмөлөспүттэр, атахтарыгар туруорбут түбэлтэлэрэ бааллар. Онтон сирдэтэн олорор түөлбэм, Хара-Алдан хас биирдии ыала, бэйэлэрэ сөбүлээн туттар эмтээх үүнээйилээхтэр, ону сэҥээрэн бу теманы таллым.
Вложение | Размер |
---|---|
Исследовательская работа | 18.48 КБ |
Түөлбэм эмтээх үүнээйилэрин тымныйыы ыарыытыгар туһаныы
Үлэни толордо: Таатта улууһун Г.В. Егоров аатынан Хара-Алдан орто оскуолатын 8 кылааһын үөрэнээччитэ Варламова Виктория.
Салайааччы: Сметанина Татьяна Петровна
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Эмп-том тиийбэт, атыыланар сыаната күн аайы үрдүү турар кэмигэр бэйэбит ис кыахпытын туһанарбыт тирээн кэллэ. Онтон сиэттэрэн “Түөлбэм эмтээх үүнээйилэрин тымныйыы ыарыытыгар туһаныы” диэн үлэни саҕалаатым.
Үлэм төрүөтэ: Өбүгэлэрбит саҕаттан, олорор түөлбэлэригэр үүнэр эмтээх үүнээйилэри туһанан, эмтэнэн кэлбиттэрэ. Кинилэр хайа үүнээйи, ханнык ыарыыга туттулларын эндэппэккэ билэр дьоҕурдаах, мындыр дьоннордооҕо. Ол курдук эһээлэрбит, эбээлэрбит, төрөппүттэрбит кэпсээннэриттэн истэн билэбит, Хара-Алдаҥҥа отоһут Дьарааһын эмээхсинэ, эбээ Балбаара диэн эмтээх үүнээйилэринэн, ханнык баҕарар ыарыыны эмтээн, элбэх киһиэхэ көмөлөспүттэр, атахтарыгар туруорбут түбэлтэлэрэ бааллар. Онтон сирдэтэн олорор түөлбэм, Хара-Алдан хас биирдии ыала, бэйэлэрэ сөбүлээн туттар эмтээх үүнээйилээхтэр, ону сэҥээрэн бу теманы таллым.
Үлэм сыала: Олорор түөлбэбэр, Хара-Алдан нэһилиэгэр ханнык эмтээх үүнээйилэринэн тымныйыыттан эмтэниэххэ сөбүн быһаарыы.
Үлэм соруктара :
Чинчийии барымтата: Хара-Алдан нэһилиэгэр үүнэр эмтээх үүнээйилэри туттуу.
Чинчийии барамайа: Түөлбэм эмтээх үүнээйилэрэ.
Сабаҕалааһын: Эмтээх үүнээйилэри чинчийэн үөрэтэн, туһаҕа таһаарыы.
Үлэ саҥаны киллэриитэ: Хара-Алдан нэһилиэгин эмтээх үүнээйилэрэ чинчийиллэ илик, онон бу үлэ саҥа сабаҕалааһын буолар. Инникитин дириҥник үөрэтиллэн туһата элбэх буолуо дии саныыбын.
Практическай үлэбэр араас литератулартан көрөн Саха сиригэр, тымныйыыттан маннык үүнээйилэри тутталларын биллим
Сөтөлтөн утары | Анньыыс, кучу, моонньоҕон |
Күөмэйи сайҕаныы | Оҕонньор ото, бохсурҕан, кириэн, көбүөр от, сугун абаҕата |
Кыраадыһы түһэрии | Кииһилэ, үөрэ ото |
Иммунитеты бөҕөргөтүү | Оҕонньор ото, бохсурҕан, манчаары, сугун абаҕата, уһун сэбирдэхтээх лоһуор, үөрэ ото, кыһыл хаптаҕас, чэмэлиидэ, ымыйах |
Тымныйыыттан утары | Чэмэлиидэ, сир хортуоската, хара хаптаҕас |
Уопсай туругу бөҕөргөтүү | Кучу, манчаары, уһун сэбирдэхтээх лоһуор, үөрэ ото, хаптаҕас, ымыйах |
Түөлбэм ыалларыгар ыйытык оҥордум. 15 ыал ыйытыкка кытынна. Ыйытык боппуруостара:
Ыйытык түмүгүнэн маннык көрдөрүү таҕыста
Түөлбэм ыала хомуйаллар эбит: Боҕуруоскай оту 86,6%, үөрэ отун 80%, бэс үнүгэһин 60%, оҕонньор отун 46,6%, хатыҥ сэбирдэҕин 40%, күлүүкүбэ 40%, уохта 40%, малина 53,3%, рябина отонун 33,3%, сугуну 100%, кыһыл, хара хаптаҕаһы 100%, отону 100%.
Эмтээх үүнээйилэринэн настой оҥостоллор, тоҥнуу сииллэр, сайҕаналлар, барыанньалыыллар, буруолаталлар эбит.
“Төрөөбүт дойдум эмтээх үүнээйилэрэ” Клара Петровна, Петр Петрович Токумовтар кинигэлэрин 100% тутталлар, “Дневник травника” Лена Георгиевна, Илья Мираславович Кривошапкиннар кинигэлэрин 66,6%, “Исцеление (рецепты лекарственных растений)” Варвара Степановна Львова кинигэтин 80%, “Домашняя аптечка из якутских трав” Раиса Егоровна Винокурова кинигэтин 80%.тутталлар, ыйынньык оҥостоллор эбит.
Түмүк
“Түөлбэм эмтээх үүнээйилэрин тымныйыы ыарыытыгар туһаныы” теманы суруйан, үөрэтэн баран, маннык түмүккэ кэллим. Олорор түөлбэбэр, Хара-Алдаҥҥа элбэх да эмтээх үүнээйилэр бааллар эбит, ыалларынан ыйытык оҥорон, ханнык эмтээх үүнээйилэри ордук туһаналларын биллим.
Тымныйыыны утары харыстанарга туттуохха сөп:
Салгыы түөлбэм эмтээх үүнээйилэрин үөрэтиигэ, научнай салайааччы булан, дириҥэтэн үөрэтиигэ кыһаллыам.
Смекалка против Змея-Горыныча
Рисуем ветку берёзы сухой пастелью
Горячо - холодно
Акварельные гвоздики
"Не жалею, не зову, не плачу…"